立即捐款

媒體

商台、黃永 - 應記一功,值得一讚

商台、黃永 - 應記一功,值得一讚
廣告

廣告

今次商台售出節目時間比民建聯做一個叫「十八仝人愛落區」,確是用心良苦,來一個「斧底抽薪」。黃永同商台,押上五十年的聲譽,卻成功再令民建聯的形象再跌至新低。透過黃永及其他主持人之口才同演技,去把呢個議題越辯越烈,連回應搞一個節目既point都可以講到唔清唔楚,令人氣憤既感覺,同平時做節目時既表現,簡直係兩個人。加上開放了節目的主導權比民建聯參與,把節目質素、內容、反應,都得到一致的劣評。

商台大拿拿收左民建聯既贊助費 (或叫廣告費),相信都對民建聯既財政上做成若干損害,短期能降低民建聯的資本。雖然,阿爺條水喉會繼續放水,但都相信要一段時間。亦在這一件事上,卻令我們一一再憶起「林彬」這一個商台人,在六七暴動期間,活生生被一群愛國愛港愛共產黨既左共人士燒死,提醒我們呢班工聯會民建聯既人,對我地香港所出之「貢獻」。

由於吸引了其他傳媒關注,醜態亦一一浮現眼前。如民建聯最在行既請客,的士大佬唔領情啦!又有一個少女,比主持迫到差D走頭無路,同民建聯本能一樣,強姦民意,成日夾硬黎,仲要係「無恥」。而商台既主持更交足戲,為遷就民建聯的無知思維,一起去講廢話,如:「巴士返廠個場面好壯觀!一條條巴士龍好靚呀!我見到架車裏面有兩個人係度訓緊覺,可能唔記得落車呀,唔知會點呢?」、「好靚呀!好多馬係度跑步呀,好特別呀!原來都幾多馬係度跑!原來馬係好早起身架!」仲有「我從來未試過咁早買報紙架,連報販未疊好已經買啦!」等。而佢所謂「關懷社區」呢?以聽開商台既聽眾智力來講,真係點聽都唔係點聽得出黎囉!不過反而比聽眾聽得出,係民建聯真係係度賣緊廣告,連軟推銷都做唔到!仲得罪埋好多商台聽眾。

商台確係人才匯集,創意無限既機構。可以諗到一條咁絕既「橋」,令民建聯中伏,元氣大傷。商台,你犧牲你既聲譽,厚著面皮去做,一切都值得架!不過,唔好再有下次喇,呢招用一次就算喇。

廣告