立即捐款

Momay

我係熱愛足球嘅油漆佬。 網誌

媒體

睇電視嘅矛盾現像

睇電視嘅矛盾現像
廣告

廣告

原文刊於作者 8月11日的 Facebook

喺Facebook見到一個現像,就係好多人講到無線嘅節集或者劇幾咁垃圾,咁垃圾正常黎講應該冇人睇冇人屌先係,但事實係好多人睇緊,而且仲要一路睇一路鬧,過程充滿矛盾,有點不可思議。

香港嘅免費電視台得兩個,但係現時已經完全冇競爭性,無線一台獨大,以往亞視都會濒死挣扎試圖反攻,試圖以卵擊石,為咗搶觀眾,間中都會有啲令人意想不到嘅大作出現,甚至搞到無線要斬劇重新部署迎戰。現時,亞視就好似喺北韓咁,鎖國,自我封閉,投入另一個自己嘅世界內,將競爭兩字拋諸腦後,話知隔離台搞咩,我有我自瀆,繼續幻想同友台五五開。

身為新界北堆填區前亞視超級粉絲嘅Momaydog(我)都忍唔住要講一句:屌你老鹵快撚啲瓦解咗佢啦亞視。我阿媽做咗亞視支持者16年之久(除咗新聞之外幾乎所有無線節目劇集都唔睇,2004年轉咗去睇大長今之後繼續亞視亞視亞視亞視亞視...),夜晚打開電視唔係亞視就係亞視或者亞視,今日居然晚8-10點半變咗無線串燒夜,睇完愛回家在到師父已射了之後承接衝上雲霄,咁係因為佢終於對亞視死心喇。

就係咁嘅原因,現時更加冇人睇亞視,觀眾夜晚放工返到屋企打開電視,選擇唔係好多,唔好計J2、歲月留聲、兩個英文台,得返無線,一係就照睇,一係就唔好睇,學亞視咁投入另一個自己嘅世界內,佢搞乜完全唔關我事。我選擇咗後者,因為明知可能睇到一肚氣,唔想勞氣在屌東屌西,倒不如在我的字典將其PS。

因為現時屋企變咗無線串燒夜,就算我喺電腦投入我嘅虚拟空間內,但係耳朵還是偶會聽到電視發出之聲音,好似《師父》呢套劇咁,只係用隻耳聽套劇,會以為黃翠如飾演一名智障,吓乜原來唔係?都係塞埋耳筒算喇!不過聽劇咁耐,有一樣嘢好洗腦,就係歌。

《師父》裡面成日播住翻唱嘅''化碟'',又真係一個好好嘅宣傳平台,每晚幾次,好過勁歌金曲,連何韻詩嘅原唱版都受惠,短時間內''化碟''MV喺YouTube點擊率急升10幾萬,所以不得不承認,無線影響力依然好大,因為冇咩好選擇,又唔願熄電視,於是乎大把人屌完話唔掂喎表情唔夠豐富不過之後都係繼續屌直到中出為止,無限輪迴。因為絕大部分嘅觀眾都係口講唔掂喎媽咪但一路講卻一路抽插中,所以無線繼續可以不理民情打造無線嘅世界。

所以我同意發牌俾維基,電視係現代化生活必需品,熄電視唔係個個做到,始終電視仲有市場,有啲觀眾唔想邊睇邊屌,唔想咁矛盾,只因冇乜選擇。

廣告