（圖片來自 Facebook 「我係香港人！強烈反對批綜援比新移民！」組群）
自從終審庭裁決推翻2004年修訂的綜援申請資格要居港七年的要求，網上反蝗的聲音再一次高漲起來，協助提出司法覆核的何喜華及蔡耀昌不斷受到追擊，面書上反對批綜援予新移民的組群紛紛成立，人數較多嘅係 「我係香港人！強烈反對批綜援比新移民！」，一共有九萬幾個 likes。
不過最近的討論，則由反蝗變成要「閹」北上咸濕港男，中港之爭演變成一場「港男」、「港女」之爭。
話說組群管理人最近以 CCTVB 嘅劇集「My 盛 Lady」嘅黃子華 cap 圖，製作「不是港男北上衰咸濕 大陸蝗婦冇可能來港」網上文宣，引來了港男港女嘅罵戰，八方嘗試整理下雙方精僻嘅論點：
港女 team (32 likes): 你地d港男太傻，太天真了，大陸女人嫁比你都係貪你香港人有個身份證，當攞到證後就飛起你架嗱，可以同你生埋個仔都唔要，我有個親戚就係咁嗱，所以真係真心對你？咪傻喇，同時娶左佢之後，又要養
埋佢鄉下d大食懒屋企人，你班港男仲-唔死，成日話d港女唔好，起碼香港女仔肯同你捱，公一份，婆一份呀，總括說係你地港男唔識珍惜啫！港男 team (28 likes): 一班幼稚既憤青先會諗呢d題目製造罵戰，娶咩地方既女人做老婆幾時變得受限制?點解娶內地女性就係咸濕? 點解娶內地女性就要受你地既白眼? 我老婆係內地人，我自己有樓唔會佔用妳地憤青讀大學就申請定既公屋，我有足夠既錢養活老婆同去私家醫院生仔，唔會白用香港既醫療系統，我唔係因為咸濕，係因為頂唔順港女先返大陸搵，要我娶港女我情願一世唔結婚。點解一定要講到內地女仔係有目的先嫁香港男? 香港人會唔會太睇得起自己?太睇得起香港居留權?唔該，清醒小小唔好咁自以為是啦。 利申: 我係香港出世香港人，老婆係廣州人，都係講廣東話。
港男 team 反擊 (25 likes): 賴得就賴，不如話港女收兵，吊高黎賣都唔肯同香港男人結婚
港男代表港女 team 攻擊 (49 likes) : 應該將果d年過四十，仲未婚既男人閹能晒佢，費事佢地上大陸搞北嬸，生埋一大堆蝗蟲又唔能養，遺禍香港！！！
港女 team 乘勢進擊 (21 likes)：啲港男錯就錯在以為自己係最好彩果一個，以為個蝗婦係一定真心愛佢。。。結果臨近7年就原形畢露，抵x死
港女 team 閹港男論據繼續進迫 (11 likes)：流浪貓狗都要閹啦，相反廢人就鼓勵佢地生，每生一個就有綜援加。有可道理？
面對港女 team 氣勢凌人的論點，港男 team 兵分兩路，一路和理非，一路極地反擊：
港男 team 和理非 (6 likes)：我只係覺得香港人成日針對內地人，只睇負面，下下都用唔好既例子去評論內地人，有d唔公平姐，人同人之間本來就係平等既，點解要香港人就點點點，大陸人就點點點，不停對罵人生攻擊，降低自身質素，造成咁多偏見同矛盾。上內地女人就叫咸濕，上港女就唔咸濕。單程証黎香港拎綜緩就叫蝗婦，拎綜緩既人八成幾係香港人呢d就唔係蝗蟲 。鬼佬吉完港女，港女仲可以係香港政府醫院生鬼仔，如果比鬼佬飛左走左去，個鬼仔都可以拎綜緩拎公屋，點解咁就得?唔通d港女又係因為衰咸濕，衰鐘意食洋腸?係咪所有事同鬼佬就變得高貴，同內地人就變得低俗?咩狗眼?
港男 team 極地反擊 （1 likes)：港女咁燥因為無人要… 我身邊大把賣淨港女未嫁，宜家屌得愈大聲遲啲就愈難嫁！！娶大陸嘅都仲可以博下，娶港女真係死鳩梗，又要响香港買樓，又要俾人屌，仲要進貢名牌袋！ 真係情願俾大陸妹厄都好過俾港女搶！
睇完呢輪辯論，從 like 的數目計，港女真係贏到開巷。當然，組群內有反蝗者認為管理人開出一個「港男衰咸濕」嘅命題係搞內部矛盾，但係聽聞自從反蝗之聲此起彼伏以來，協助新移民嘅組織經常收到辱罵嘅電話，若對方唔係純粹為咗發洩，而係想追求問題嘅根源，結論往往係：「港男係罪魁禍首」。
跨性別嘅八方，喺呢件事上都好矛盾。綜援作為一個社會保障制度，係防止香港出現窮到瞓街挨餓嘅情況，尤其涉及無辜嘅細路，批得會較鬆。以呢個為原則，條界唔係「新」與「舊」，而係「該」同「不該」，防止「不該」的人濫用綜援。
從社工朋友嘅案例睇，好多「要／該」幫嘅綜援個案，都係「家庭」（作為一個社會組織單位）出現問題，通常都係主要嘅經濟支柱（男人）沒有經濟能力，而第二經濟支柱（女性）要照顧細路而造成。而新移民家庭，因為離鄉別井嘅女方缺乏娘家和社會資本嘅支援，只有老公可以依靠，出問題嘅可能性的確較本地基層家庭高，所以要追問題根源，真係會追到港男身上。若要手起刀落，對人唔對制度，落實「源頭減人」，「閹港男」尤其係「窮燃」又幾順勢。
其實香港係一個女性稍多於男性既社會，點解咁多「窮燃」、「港男」要跨境結婚呢？香港作為國際城市，嫁出嫁入、移出移入係好正常的狀態，點解大家只針對某一種類的移入？當中有咩以性別來劃分嘅政治經濟制度和社會集體心理問題？而「港女」作為反蝗／蝗婦嘅重槌手，對女性主義來講又係一個咩警示？女性主義者除咗叫人唔好講粗口外，有冇野要回應下呢？
喺呢個世道，都係做鍵盤跨性別者安全啲。