保育

牆身有裂痕 恰恰證明大樹茁壯成長

廣告
牆身有裂痕 恰恰證明大樹茁壯成長


廣告

作者是城西關注組成員。

般咸道既石牆樹,早在 1949 年既舊相入面已經見到。剛剛被斬的四棵樹當中,近柏道的樓梯上母樹,分分鐘比上星期跌落來嘅那一棵仲要老:因為在 1949 年的相片中,此母樹比近寧養臺的要高大。後來母樹再延生多三棵子樹,就成為剛剛被斬的四棵樹。

而承托住老榕樹所生長的古石牆,唔同部份係建於不同年代的。樹後面既石圍欄,係典型既三十年代建築,常見於港島半山的車路。而石牆樹真正的落腳點,是一幅 1860 年代的古牆,乃當年開闢般咸道時建成、最原始既石牆。所以石圍欄係後加既,而根本不是老榕樹既落腳點。政府以石圍欄有裂痕為由去斬樹,理由其實並不充分。

而如果仔細咁睇石圍欄嘅裂痕,就會發現其實裂痕並不是新的!石圍欄有裂痕的部份,石與石之間最少有三個時期既修邊痕跡。(1)原始修邊,(2)粗凸修邊,(3)填平式修邊。四棵樹之中,有兩棵樹後面既石圍欄都有曾經被修補既痕跡,呢兩棵是最近牆頂地面既兩棵,亦是最古老既兩棵:母樹及第一子樹。其實這是正常不過既自然現象!

老榕樹開始生長,是在石圍欄下面既古石牆之上,當時仍未有石圍欄,其實是後加的。加石圍欄的時候,相信老榕樹及第一子樹已經生長了一段時間,所以比其他兩樹更接近聖士提反徑既地面。隨住老樹不斷生長,樹幹及樹根會不斷變粗,因此就會向上推,令石圍欄向上扭曲,因而出現裂痕。呢段石圍欄上顯示不同時代修補過的痕跡,其實係反映老榕樹不斷生長的過程。而出現痕跡,不但不是代表老榕樹結構有問題,反而是老榕樹健康茁壯成長既良好信號。住在附近的街坊亦表示,裂痕早已存在多時,政府今次以一條舊有既裂痕,在没有諮詢居民既情況下倉猝斬斷古樹,實在係自斷根基。百年樹木,就係咁樣被一個無情及怕事既政府無情斷送。

香港依家既樹木「政策」就係登記同埋檢查,但就無注重到樹木其實係有生命既,會長大的,需要新地方生更多嘅根。特別係生長起石牆上面既榕樹,靠氣根去抓實新既地方,做新既支點。希望政府日後,會留意多一啲打好根基既方法。百年樹木,點可以隨便話斬就斬?

廣告

style="display:inline-block;width:300px;height:250px"
data-ad-client="ca-pub-8841779031775169"
data-ad-slot="9593291331">