立即捐款

Kristine Chan

網站特約記者 網誌

社運

新年要趕盡夜市既,邊個最開心?

新年要趕盡夜市既,邊個最開心?
廣告

廣告

小麗老師係新一年(子時)與深水埗小店腸粉大王去夜市開賣,好似因為買了一份魷魚,而被便衣圍堵,帶上警車。十幾名街坊去警署守候。所謂光顧無牌小販,輕則罰款,重則監禁。

新年流流都要拉人,派百幾個食環到處巡邏,搞到要便衣、警察出動去阻止市民賣魚蛋。如此無腦的政策,真的只有香港政府先做得出。

一來,夜市本來都係香港文化之一,唔好話上個年代的大笪地呀,去登打士街,葵廣,太安樓掃街都係香港人的生活啦。香港人的撚手招牌係魚蛋,雞蛋仔,牛雜,豬大腸,車仔麵呀。

你用小販發牌制度將小店趕盡殺絕都已是罪大惡極,仲要連新年呢幾日小小生存空間都唔俾人。人地若無重大安全問題,又何不可?Come on,香港人係行一式一樣既商場之外已經無咩消遣節目,俾條路黎行下啦。

你話人地污糟、阻街、有滾油,其實都係藉口黎嫁啫。政府要規管好,有幾難?睇下花市模式都知啦。仲有呀呢幾年大家都習慣咗啦,有自覺唔太過份會確保安全排隊隊唔會爭唔會人踩人。一味污名小販,真係無助解決局面啦。有價有市,夜市會繼續生存嫁喎。

講到尾,你都係睇唔起窮人啫。你估個個都可以七十萬整架美食車咩?你估個個都俾得起只有升唔會跌的鋪租?銅鑼灣賣魚蛋咋,租都要30萬一個月喎。難道你眼中又只要會買貴價爆谷既外內地遊客,同埋地主同零售業大老闆,就無視左小市民?

係,依家無牌小販係犯法。唔該政府咁盡責,就入村拉埋放炮仗放煙花的人,要拉就開行turbo拉晒每家每戶四處拜年而違例泊車的人囉。係呢件事上,又要警察做磨心,警察形象都夠差嫁啦,何必呢?

你班仆街,俾小市民抖下啦好唔好?

廣告