立即捐款
ads

文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。 不想在沉默中滅亡,深信堅持才有希望。 網誌

生活

黨鐵就係咁流

黨鐵就係咁流
廣告

廣告

黨鐵,唔好怪人比呢個名你,只係睇何文田站,就知你地做野有幾流。

第一日啟用嘅時候,站入面窗嘅位置就已出現滲水,車務總監劉天成仲話因為車站深入地底,所以漏水係正常。劉生,原來用左72億,你地都只能夠起個擺明會漏水嘅車站,用左咁多錢,就係交呢種貨?就想我地接受?

銅鑼灣站咁撚繁忙,都只係3條扶手電梯就落到去,何文田站人流咁少,整4條扶手電梯,遠到咁,就反映出選址正正係一大問題,何文田附近居民都係集中係愛民邨同埋何文田邨,而家個入口完全偏離,其實對市民黎講又有幾方便呢?呢個位會唔會只係為左日後起上蓋豪宅而存在呢?心水清嘅大家,應該明啦。

跟住喇,部升降機就壞,前事到底有無做過覆檢呢?明知月台距離咁遠,升降機一定好多人用,唔係應該檢查清楚先開放比市民用咩?呢啲就係所謂優質服務?唔好同我講前一晚有檢查呀,當日要壞都無辦法,呢啲推卸責任嘅講法,真係已經聽夠,而且我唔信有咁多巧合囉。

未完呀,如果等唔到升降機,仲要市民過百級樓梯先可以由月台出番地面,呢啲係乜撚野配套?好號就作得好好聽喇,咩「一路帶動生活」,「又心繫生活每一程」,結果呢?就係要市民行到仆街為止,嫌我地番工放工未夠辛苦,仲要比啲行樓梯磨練我地,真係多撚謝喇黨鐵,你真係用心良苦。

黎到琴日,個站用左10日都未有,扶手電梯個齒梭仲要「炒起」埋,碎片一地都係,爭啲就發生意外。工程人員其後係現場搵到一粒唔屬於果條扶手電梯嘅螺絲,相信就係呢粒螺絲導致扶手電梯損壞,咁講到尾即係又唔關你事啦?咁而家到底係組裝時有人為疏忽,定還是係有人刻意破壞呢?不但耐人尋味,而且又係一種慣常黨鐵人員推卸責任嘅做法,其實你地已經誠信破產,狼來了玩得多,都唔會有人再信,點解總係唔肯承認自己嘅錯失,改左佢呢?

黨鐵就咁流,一個車站,有問題嘅野,都接近係何文田站發生左一半,試問咁嘅質素,叫香港人點信呀?

文探花 Be The Third

廣告