最近小弟在網上到處瀏覽之時發現了馬會推出了一項有趣的活動，名叫「21日挑戰」，除了有大家熟悉的香港單車女王李慧詩、世界拳王神奇小子曹星如代言之外，更有小弟一直仰慕的冠軍騎師雷神莫雷拉，細看之下原來是只要連續21日完成簡單的健康或運動任務，馬會就會捐出相應的善款予UNICEF。對於每日做三、四小時運動的小弟而言，馬會今次肯肯定要將我以往輸嘅都捐出去做善事。
事實上，香港愛好運動的人愈來愈多，連毅行者都要爭崩頭，跑全馬都要抽籤，當運動成為潮流，其實每日運動15分鐘對很多香港人來說其實很基本，但做運動真的不是為有型，除非你真係跑得好快，或者體能Fit到漏所以稱得上有型，否則就應該審視下自己做運動的頻率和複合性。今次馬會的活動不局限於某項指定運動，而是吃得健康或者是在家中鋪開瑜珈墊做15分鐘HIIT都計，只要你成功連續做21日，馬會就會捐出港幣$365。到底要點證明自己每日都有做到運動呢？
馬會唔係Nike，無提供app予大眾下載，但只要透過網上登記，然後每日登入，完成該天的任務，就叫做證明自己有做到運動。例如我選擇的挑戰是與莫雷拉一齊在家中做無器械健身，第一天可能只是簡單的閱讀與家中健身相關的資訊，第二天就已經要跟著影片一起動起來（可恨，為什麼大隻佬Model不是雷神！）。你以為影片的教學會好廢? Sorry, 小弟都算說半個運動員，網上的教學絕對爆汗過鄭多燕，而且都配合到Cardio同肌肉鍛鍊，如果真係有心想減肥，或者想從零開始慢慢培養出運動的習慣，此項目其實認真不錯。
小弟絕對係過來人，25歲前完全不運動，肥腫難分，但經過飲食同運動配合之後，瘦身只是基本，有肌肉同線條才是重點！所以各位同胞，俾D掙扎我！運動的痛苦同汗水過去後，線條是會留下的。