最近收到一單好震驚嘅求職騙局，呢間公司由招聘到失蹤，員工都從來無直接同老闆接觸，平時一直只用通訊軟件溝通同埋發布工作，隔絕左任何同事同埋老闆直接接觸。唯一會接觸到就係公司CS派單嘅人（而得CS先聯絡到老闆）
呢間公司更用「件計」方式造成假自僱關係，逃避僱主責任，可以稱得上係一個零成本嘅運作模式，全部風險都轉嫁比員工！
事情是這樣的：
「和你送」係一間幫人送件嘅快遞平台。
早係一月初，由於事主係抱住個信字，就係黃色招聘平台搵到「和你送」，之後就入職。
原本一開始話14日出一次糧，14日後話要等多幾日，之後開始一直拖，每次都有唔同藉口：試過話票未收齊、轉數快壞左、轉數快限額爆左冇得轉，要第二日、又話未計完數、又話老闆係外國等等。
不斷一直拖，依家拖左兩個幾三個月，得客服可以搵到老闆真身，但係客服長期已讀不回，甚至不讀不回！回嘅就係上面堆「理由」。
完全收唔到錢！就算同客服講要找卡數、交租都冇理過。
想係到呼籲：
- 大家唔好再搵呢個平台送嘢
- 搵過呢個平台既人，有冇人知道佢銀行戶口號碼、人名 （請PM)
- 如果知道係邊個老闆/佢美國地址（請PM)
- 如果有客服個人資料都可以PM
- 如果你都係受害者，都可以PM，一齊睇下可以點搞！
**其實我地懷疑個CS就係走數嘅老闆
如果唔係，就希望佢上水，一齊追數**
呢間野用黃手足名義黎搵生意，做完野唔出糧！大家睇路！
————————————————-
小編：
勞工組無意針對藍黃，因為邊啲事主求助都唔由得我哋話事（最好太平盛世無求助），所以一直都只係搞勞工野，但假如追討對象係黃店，我哋心情都唔好得去邊！
一方面比人屌fun化，另一方面唔理就等於割左個手足！
呢單「和你送」離譜到咁，我哋更確信做緊嘅事係有必要性，假如手足有勞資糾紛自己搞唔掂，都可以inbox傾傾可以點搞！