剛剛和在現場的李偉儀通過電話，佢話目前仍然有七十至八十名市民在政府總部鐵閘內靜坐，連民陣成員在內一共有一百人左右。立法會議員就仍然是之前葉蔭聰說的五位，另加區議員陶君行。
李偉儀話，現在最慘係冇得去廁所。長毛之前帶過幾十人出閘去廁所，但返回時被警方阻止進閘，幾經理論和郁手郁腳後才能進去。但警方強調，此後任何人一出閘就不能回來，於是大家雖然有水和食物，卻都不敢動，怕要去廁所。
李偉儀表示，大家今晚都唔會瞓﹝咁凍點瞓？﹞，處於戒備狀態，佢相信警察在凌晨四、五點就會做野。早前曾有兩架豬籠車和一班女警在閘外徘徊，但暫時未有行。現場仲有一d電子傳媒留守，如果想睇片可以睇電視。
仲有，電視台話星期六會再發動遊行，不過李偉儀話，佢收到的料係唔會有遊行，而是在政府總部外搞黃絲帶集會。
仲仲有，李偉儀補充時說，又係較早前，羅就同阿牛同幾條友來聲援，當中有幾個成功逼入閘，但期間護衛在眾目睽睽下打人，我唔記咗問用乜打，以及傷勢如何。
好啦，要做番公司野，李偉儀說一有消息就會通知我。