【獨媒報導】編按：西貢橋咀洲及鹹田灣一帶，近年成旅遊熱點，惟敏感的生態環境，是否有足夠的承受力？《獨媒》記者在農曆新年長假前，到該處露營兼採訪，跟進該地的亂象。
《獨媒》記者農曆新年前在鹹田灣紮營視察，訪問當地原居民兼安記士多老闆溫先生。面對大批內地客蜂擁而至，他表示村內人口單薄，遊客多「本來都有啲高興，人氣多啲都好啲嘅」，惟指不少內地客「冇手尾」，隨意丟棄垃圾，令到周圍環境「污糟邋遢」。溫先生認為只要遊客肯守秩序，政府推動綠色旅遊屬好事，能帶挈周遭的小店及士多，建議漁護署及食環署加強清潔，並增設垃圾桶。
老闆指平日亦有50至60個營
鹹田灣有兩間士多，除了向遊客售賣飲品及食物外，亦提供營具租借及寄存服務。安記士多已屹立鹹田灣逾半世紀，由咸田圍原居民經營，老闆溫先生是第二代傳人。他向《獨媒》表示2月14日是近來最少遊客前來，指平日傍晚時份一般有50至60個營，周末更有過百個營駐紮，稱「長假期滿晒人呀，呢個農曆年啲人啱啱返咗去鄉下咋，如果唔係呢度一早滿晒，十一、五一呢啲咁嘅大日子，嘩，多到真係」。
溫先生指，大多數內地客過境後，會在大學站轉乘其他交通工具到萬宜水庫，再行走數小時到才到鹹田灣過夜，翌日一早離開趕行程，故營地人流最多的晚上，漁護署職員均已收工。
對於元旦的情況，溫先生指當日衛生情況極度惡劣，沙灘的垃圾槽未到下午四時已爆滿，新聞一出，政府立刻派幾名人手清潔公廁，但稱「日日都咁多人冇辦法」，指發生是次事件後，現時衛生情況多少都有改善。
讚港人「自己帶走自己垃圾」
溫先生已年逾70歲，半世人生活在鹹田灣，訪問期間不時大讚風景百看不厭、環境清幽，沙灘在陽光照呈銀白色，笑言「喺呢度生活好簡單，唔洗話咁緊張，真係好開心」。面對突如其來大批內地客蜂擁而至，他指村內只剩十多人居住，認為人多氣氛熱鬧，但稱「本來都有啲高興，人氣多啲都好啲嘅，無所謂㗎，唔好真係掉到嗰啲嘢污糟邋遢，搞到我哋真係，唉…」
溫先生邊掃地，邊向記者呻內地客「冇手尾」，令到周圍「污糟邋遢」，對於沙灘、公廁及士多附近堆滿垃圾，感到非常心痛。他坦言大批遊客到鹹田灣，的確多少帶動生意，但內地客不捨得消費，一般自攜食物，「10個8個買兩支水坐喺度飲」，又將食完的食物包裝隨意掉在地下。門口雖掛有「自己帶走自己垃圾」橫額，但稱「真係喺我個招牌下底係咁掉，鬧又唔鬧得咁多」。
他又憶述，疫情時非常多香港人行山，「嗰陣時好（生意），嗰陣時香港人嚟㗎嘛，個個食嘢，個個都消費，而家得個睇咋，好睇唔好食」，亦讚揚港人「有手尾」：「就算自己飲完個樽都會放返落背囊度，睇吓邊度可以掉先掉」，但慨嘆越來越少香港人前來，認為年輕一代熱愛行山的人已經不多，或許有其他更吸引的活動。
老闆稱只要遊客肯守秩序 推動本地綠色旅遊屬好事
對於政府近年積極推動本地綠色旅遊，溫先生認為是好事，能帶挈周遭的小店及士多，「只要佢哋（遊客）肯守秩序，唔好將啲垃圾周圍飛……唔好搞到環境咁惡劣」，亦談及以前不少名人慕名而來，如港督麥理浩及明星周潤發。他又分享曾經有法國領事出書介紹鹹田灣，有一段時間吸引很多法國人來，亦有日本及韓國遊客行山經過，嘆「而家都少晒都冇啦」。
隨著政府進一步擴展「個人遊」計劃涵蓋的內地省市，溫先生認為去鹹田灣的遊客只會繼續增加，建議漁護署及食環署加強清潔當眼位置，在咸田圍路牌增設多個垃圾桶，並加上清晰明確的指示。