【獨媒報導】今日是宏志閣居民第二輪上樓最後一日，宏志閣居民李小姐一家上樓執拾，四人除了手拖行李回家。李小姐行李上擺放一個生日蛋糕，她向記者笑說爸爸今日生日，「我哋每年都會喺屋企慶祝生日，所以今次專登都買上去，一家人齊齊整整去慶祝」。
她又稱「屋企始終係我哋嘅地方，所以我哋希望喺上面都可以爭取多啲時間，做我哋想做嘅嘢，你知佢哋（政府）嘅諗法係，我哋唔方便講咁多，陣間又唔知有啲咩行動出現，確保想做就去做。」
李小姐
至於會否出售業權，李小姐直言「我哋根本就係硬食」，指宏福苑始終屬於居民，目前資訊不足下便要居民決定，「要遲啲再等佢哋出多啲嘢，我哋先再諗到下一步會係點。」
她亦希望盡快召開業主大會，「一定要公開透明俾我哋知道發生緊咩事，如果根本佢就咩都唔講，咩都話宣佈咗嘅時候，係咪全部人都知發生緊咩事？咁我覺得唔係！」又指政府常言以「情」行先「如果佢尊重有情有義，以情行先嘅時候，其實係要有業主就會俾我哋參與，俾我哋知道發生緊咩。」
