【獨媒報導】宏福苑居民今日續上樓執拾，李先生一家三口居住在宏昌閣低層，在去年7月才完成裝修，不幸在11月的大火中受災。李先生今日與妻子上樓執拾，他落樓後顯得心情沉重，稱「乜都無晒」，只能取回部分金器及有紀念價值的物品：「其實成間屋乜都燒晒，全間屋變成灰燼，挖足3個鐘⋯⋯盡挖，見得到就執。」李太則一度哽咽，指入屋感受「好大」：「嫁妝⋯⋯啲金器，唔係搵得好多⋯⋯同埋囝囝啲證書，全部燒晒。」
李先生一家三口居住在宏昌閣，他們在落樓後接受訪問，李太稱只有3小時執拾並不足夠，在進入單位後要使用工具挖掘。她指由於只有3小時，所以未能在大廳及兒子房間執拾，加上部分物品被雜物遮蓋，只集中在主人房執拾。
李太
指單位燈光不足 望安排較強照明電筒
被問到入屋後的感受，李太哽咽稱「好大」：「嫁妝⋯⋯啲金器，唔係搵得好多⋯⋯同埋囝囝啲證書，全部燒晒。」不過，她指單位內的燈光不足，在仔細尋找下成功找到金耳環，希望當局能安排LED燈及較強照明的電筒。
他們已居住在宏福苑20年，去年7月才完成裝修，僅住了4個月便不幸遇上大火。李太稱裝修希望能讓兒子「有間房」：「住得舒服啲⋯⋯我哋兩個去到老嘅時候就可以⋯⋯入返去住只係4個月度。」
陳小姐
重回兒時住所 宏仁閣居民站門外不禁流淚
小時候居住在宏仁閣中層的陳小姐，她在執拾後形容心情複雜，並感到非常不捨，希望有機會再獲安排上樓：「盡量執啦，其實執唔晒。」她在上樓後曾向大廈外的丈夫及兒子揮手，「喺嗰度望多次出去」。
父親在結婚前已購入該單位，陳小姐與妹妹一直居住，直至結婚才遷出。她稱單位幸好未有受災，惟消防人員破門入口令大門「爛晒」。她表示，上樓主要執拾父親的物品及蔘茸海味，部分音響器材則因面積太大未搬走，「可能等下一次」。
圖片由陳小姐提供
陳小姐表示與妹妹上樓後，站在門口的時候已忍不住流眼淚，但只能盡快平復心情執拾。不過，她表示愛貓在大火期間被救出後，經治療後情況尚算可以。對於只有3小時時間執拾，陳小姐同稱不足，因為只能「見到就擸」：「上到去掛住望，好多嘢都唔記得咗，唔知想執啲咩。」她最後與妹妹兩度上落樓執拾，假如有機會再上樓希望能取走其他相片。