【獨媒報導】大埔宏福苑五級火造成至少168人死亡，宏泰閣居民葉家駒的妻子白瑞蓮，在大火期間拍門救回五條鄰居性命，惟未能及時逃生遇難。葉家駒今早回到小兒子居住、位於宏昌閣的單位執拾。他在執拾後接受《獨媒》訪問，形容心情「好複雜」，在途經宏泰閣的時候，在門外停下了很久：「嗯，我企咗好耐，都望咗好耐。佢哋唔催我，我都想企喺度⋯⋯嗰個唔係其他人可以明白得到，同埋感受得到。只有喺嗰度生活過，每一日都係喺嗰度逗留過⋯⋯。」
葉家駒與妻子白瑞蓮自2003年搬入宏福苑，居住在宏泰閣1701室，葉家駒的阿霆與妻子則居住在宏昌閣。在去年大火當日，葉太拍門通知鄰居火警，救回5條人命，惟卻未能及時逃生遇難。
他們今早需先經過宏泰閣才到達宏昌閣，葉家駒今早形容心情複雜，指重回該條日常必經之路，感覺卻十分陌生，「完全係同我以前嘅印象係唔同晒」：「以前係好多樹啦，有遊樂場，今次行入去好似去咗另外一個地方。」
除了傷痛，葉家駒形容心情「好複雜」，在途經宏泰閣的時候，在門外停下了很久：「嗯，我企咗好耐，都望咗好耐。佢哋唔催我，我都想企喺度⋯⋯嗰個唔係其他人可以明白得到，同埋感受得到。只有喺嗰度生活過，每一日都係喺嗰度逗留過⋯⋯。」他表示，由於宏泰閣、宏昌閣位處宏福苑較入的位置，即使其他座數居民亦未必明白其心情。
取回留給新抱金飾 料妻子在天之靈亦感安慰
對於成功取回妻子留給新抱的金飾，葉家駒形容是不幸中的大幸，相信妻子在天之靈亦會感安慰，因為相信其宏泰閣單位內的物品，在大火後或已所剩無幾：「我可以咁講，呢個係喺我家族入面唯一完好無缺嘅物件，而係我太太交俾佢。」他稱太太是相對傳統的人，認為金飾需要承傳下去。
葉家駒稱在執拾期間的情緒「還可以」，因為要專注執拾，至於下周重返宏泰閣，他就坦言：「我都唔敢去諗，到時先算。」
自宏福苑大火發生後，葉家駒一直希望為妻子尋回公義，包括出席獨立委員會聽證會聆訊作供及旁聽，「我一直都係行緊呢條路」：「但我唔知道可以做到幾多，喺我可以做到嘅嘢一路做。」
消防處處長楊恩健（資料圖片）
上周發電郵予杜淦堃 要求楊恩健回應「唔理想」
由於今周要準備上樓執拾，葉家駒未有旁聽獨立委員會聽證會，但指上周已發電郵予委員會代表律師、資深大律師杜淦堃，促對方問消防處處長楊恩健，獲回覆或考慮作出提問：「就係呢個姜世明（消防處助理處長）講嘅唔理想，『15次認唔理想』，一個消防水缸維修7、8個月，佢竟然覺得冇事，我就覺得佢係嚴重失職。」
談到長遠計劃，葉家駒指政府一直未有與居民溝通，只是單方面給予居住安排，「咁我哋就要接受」：「當然啦，我哋某程度上唔能夠唔接受，但我哋都要有我哋嘅聲音，呢個就係點解我哋要喺聽證會做涉事方，我哋要有講說話嘅機會。」他批評接管宏福苑的合安，對舉行業主大會諸多推搪，並對部份居民進行抹黑：「點解要係咁樣呢，我真係唔明，我哋依法依規，作一個雙向溝通都咁難？點解咁都唔可以呢？開業主大會唔係啲咩大嘅事。」
重申上樓限時、事先申請絕不能接受
葉家駒表示，上樓執拾的整體運作安排可以接受，但重申對限時3小時，及必須事先申請則絕不能接受：「我哋依家要狹縫裡面生存，你俾啲乜嘢我，我就要做啲乜嘢，但我哋唔能夠因為想要嘅嘢去爭取。」
他慨嘆，獨立委員會聽證會的報告亦未必「有結果」，個人只能盡力在會上提出問題，再次提及消防處的證供「乜原來係咁」、「好多嘢都唔關佢事」：「仲要好理直氣壯咁講，係，冇錯。我就覺得真係好匪夷所思。我真係唔明白乜嘢叫做『消』，乜嘢叫做『防』，我細個學到嘅係『防重於消』，咁有人跳樓你唔好去囉，同救火一啲關係都冇，你又去做？」