【獨媒報導】大埔宏福苑居民今日繼續上樓執拾，居住在宏昌閣、腳傷仍堅持上樓的郭先生希望取回父親遺物，最終帶走了一個玻璃煙灰盅作紀念。他從單位廁所望向窗外，憶起小時候會望向屋苑迴旋處，看到駕車回家的父親，並大叫爸爸：「後先望嘅時候，迴旋處無咗，垃圾站無咗啦，變咗爛地，係感觸嘅⋯⋯我停咗一段時間，再喺嗰個位度影相。」
圖片由郭先生提供
郭先生今早與三名朋友一起上樓，並獲當局安排輪椅代步，從社區會堂送到大廈外，並自行上樓梯到七樓，期間未有坐下來休息，「我慢慢行」。他在上樓執拾後接受訪問，指單位受災情況不嚴重，只有廁所被燒毀，其他地方被燻黑。
現年45歲的郭先生，他在宏昌閣斷斷續續居住近30年，在拍拖後搬出單位。父親在去年3月離世，他曾返回亡父單位執拾，今次上樓就取回兒時相片、遊戲卡及黑膠碟等。然而，他未能尋回使用多年的水壺，一直以為在櫃中，豈料打開櫃後發現是另一水壺：「可能水壺爛咗，被爸爸掉咗。」
感謝機構助寄存 不再上樓執拾稱「係時候放低」
在執拾期間，朋友不斷問郭先生「呢樣要唔要」，他取走了一個迴旋木馬的鐘，形容有感覺。他提到，原欲取走父親晚年常常使用的凍肉櫃，但由於面積較大、「攞咗唔知有咩用」，最後決定放棄。他表示，共從單位執拾了十多袋物品，並將大部分寄存到迷你倉，感謝相關機構協助宏福苑居民。
郭先生表示不會再上樓執拾，「應該執嘅嘢都執咗」，指今次上樓已是道別過程：「接受咗⋯⋯嗯，呢個地方我要離開啦，可能無得再見啦。佢嘅狀態亦都唔係好好，不如差唔多係時候放低啦。」
取走燒燶門牌 「說出口」向單位告別
除此之外，郭先生指單位廁所的窗對自己有特別意義，憶起小時候會望向屋苑迴旋處，看到駕車回家的父親，並大叫爸爸：「後先望嘅時候，迴旋處無咗，垃圾站無咗啦，變咗爛地，係感觸嘅⋯⋯我停咗一段時間，再喺嗰個位度影相。」
圖片由郭先生提供
另外，他在單位內放下一束膠花作懷緬，又取走「燒燶咗」的門牌，又笑言「中二病」地向單位「說出口」作告別：「拜拜啦702！」