【獨媒報導】宏福苑居民首輪上樓最後一日，現年近75歲的麥先生住在單位逾40年，上樓後指單位無礙，不過很多東西都無法搬走，只能無奈斷捨離。對於火災發生近半年，麥先生表明不滿政府部門卸責，「大家都知道承建商同顧問公司肯定有問題，無得抵賴㗎啦，全部都係一擔擔。咁政府啲監察部門呢？不論消防局、ICU、屋宇署又好，喺聽證會度個個都係A字膊、卸晒膊。有待改善但無待清算，呢個就好唔滿意。」他期望「要負責任嘅人全部都要負責任，要坐監嘅全部拉去坐監」。
麥先生是宏福苑1983年落成後首批住戶，住在宏盛閣23樓。他指家中有存放金錢、小量首飾及具有紀念價值的畫作，坦言「好彩冇嘢唔見，擔心咗好多日」。他指家中未有受大火波及，上樓後發現屋內仍十分乾淨，只有小量灰塵，不過很多東西無法搬走，特別是自行設計的大型實木傢俬：「學局長話齋斷括離囉，想唔斷都唔得，想唔捨都唔得，依家想唔離都唔得，一定要離啦。」他續稱希望有第二次上樓機會：「無奈就梗㗎啦，不過托賴感恩屋企人無事。」
他亦哽咽感謝社福機構及廣大市民的幫忙：「我想喺度感激由事發至依家，社會有好多熱心人士幫咗我哋，好感激。」他慨嘆很多老街坊都是年輕時儲錢置業，之後在屋苑結婚生子，「我哋畢生嘅經營就係呢間屋」，甚至已打算「住到走嗰一日」，形容單位是「我哋另外嘅骨肉」，但無奈現在要提早結束。
對於政府提出的「樓換樓」方案，他指願意交出單位，但可選的單位均為清水樓，需要重新間房，「將來驚有第二次傷害，遇到啲唔老實裝修工人，大家成日都睇到啲啦」。他稱不介意收費，建議由政府先進行簡單裝修，例如間房、舖地板，強調「我哋個個都七十幾歲，無能力再搞呢啲嘢啦」。