【獨媒報導】宏福苑獨立委員會今日舉行第五輪最後一場聽證會，七月中將進行結案陳詞。曾作供的宏盛閣居民梁浩軒今日亦有到場旁聽，他表示證人作供階段已經完結，但並非所有居民期望的證人都有出席，例如部分議員、法團人士和公務員：「始終都係爭咗最後一塊拼圖，因為其實係呢一批人先真係連結到呢一場火災。」他指居民十分期望他們現身說法，惟始終事與願違：「始終佢哋都冇辦法出到嚟，所以始終都係意猶未盡，即係都係爭啲嘢，冇辦法啦。」
至於聽證會能否解答居民對火災的疑問，梁先生認為，坊間一直對大火起因有猜測，聽證會能夠證實坊間猜測，以及解釋大火迅速蔓延的原因，「即係最近因嘅話咁其實都大概估到㗎啦」：「即係可能與其話係後知後覺，原來係咁樣，但係將一啲本身就有嘅猜想證實返咁樣囉。」
郭先生
居民家屬指未能釋除市民疑團
曾居於宏福苑的郭先生，其母親與弟弟現時仍分別住在宏盛閣及宏道閣。被問到是否能透過聽證會更接近真相，郭生表示「真相喺大家心目中已經有㗎啦」，並指沙田翠湖花園圍標案已有先例，但現在圍標形式已有所「進化」，坦言難以找出「幕後黑手」。他又指，縱使現在知道建築和顧問公司有機會是「打龍通」，但不知管理公司和業主立案法團是否有參與，以及背後是否仍有更大的推手，聽證會都沒有提及。
郭先生亦表明不滿前法團主席鄧國權與一眾成員未有作證：「佢哋有個工程小組，個工程組同法團唔係剩係得一位鄧國權，亦有其他當事人㗎嘛，點解連一個都唔能夠傳召佢哋？」他相信如可傳召他們作供，大家都會更清楚當中不為人知的事，並以「開生口」為例：「前法團究竟邊個同意嘅，要佢哋自己先知，梗有人同意咗先話開生口㗎。」
最後一輪聽證會主要圍繞不同專家對起火和火勢迅速蔓延等事宜的報告，部份內容以英語進行。郭生形容聽證會內容有些混亂，加上有些專有名詞的翻譯與常用的用法有分別，無法清楚理解全部內容，可能只有內行人才會明白，認為聽證會仍有不足的地方，並沒有提供足夠資料釋除市民的疑團。
宏福苑火災獨立委員會 聽證會｜第二十七日
專家指未汲取嘉利大廈教訓 大火屬「系統性失效」
居民嘆部份人士未現身聽證會：始終爭咗最後一塊拼圖
宏昌閣靠近火龍單位損毀參差 專家指客廳向光井多數焚毀
專家建議光井禁可燃物 指阻燃棚網仍有風險
宏昌閣2號3號單位共14人死亡 專家指不見火更危險 料吸入濃煙毒氣亡
宏福苑火災獨立委員會 聽證會｜第二十六日
政府專家指光井禁可燃物「唔知點執行」 陸啟康：可能要用太空物料
宏志閣棚網不阻燃 專家指無證樣本火勢「都冇佢咁犀利」
首度披露遇難者位置 宏泰逃生出口被堵 多葬身梯間走廊
「火龍」引發二次引燃 消防指如宏昌掛阻燃網 宏泰可倖免
專家指風高物燥火勢易蔓延 宏志閣倖存或因風向
宏仁、宏志關鍵燃燒物測試 竹枝最難點著 踢腳板最易燃