（獨媒報導）今日是宏福苑其中三棟受災大樓，包括宏仁閣、宏新閣和宏泰閣第二次開放予居民上樓的首日。宏仁閣8樓住戶尹先生早上回家執拾前受訪，直斥政府使用大眾捐款來收購業權的做法不妥：「呢個真係全世界笑話」。他又慨嘆「我哋係災民，唔係罪人」，批評當局只容許居民賣業權，而且須6月30日前決定，做法屬強迫：「你講話俾我選擇啫，但你唔可以用出法律，出呢個法例嚟要我哋居民去買，已經係有恐嚇成份啦，你嚇到啲人個個乜都唔敢講，乜都唔敢表達。咁你又安排得唔好，啲事情係永遠都做唔好，完全無一樣做得好。」
尹先生與父母自1988年起居住宏仁閣802室。他指家中地板在火災後燒至翹起，僅剩大房未受大火波及。第一次上樓時，他們拾回了樓契及首飾等貴重物件，今次則想取走小時候爸爸在自己經營的士多舖中抱著自己的相片，並當作是最後一次回家說再見。尹先生指，宏福苑與鄰近的廣福邨連繫深厚，不少居民的親戚同住兩邨，稱「你鏟走咗宏福苑班人，即係叫人分家啫，人哋特登喺廣福邨買宏福苑，你搞到我哋啲親戚唔可以走埋一齊」。
嘆半年過去部門僅互相卸責 「賣業權」方案不清晰
尹先生目前居住在位於烏溪沙的過渡性房屋。他斥政府部門「今時今日都唔知做緊啲乜」，半年來互相推卸責任：「半年啦，我哋屋企又冇得返，日日喺個地方度煮嘢食又煮唔到，沖涼轉個身都轉唔到，尋日落咁大雨，嗰啲過度性房屋漏水，咁點搞呢？」
他又質疑，大眾捐款予「大埔宏福苑援助基金」是給災民安置的善款，惟政府僅提供「賣業權」方案讓居民選擇：「政府有咩理由攞嚟用，你攞咗嚟用，你又唔話俾我聽方案點樣，全部都係淨係叫我賣業權，乜方案都冇，完全一樣嘢都冇，唔清晰呀！」
尹先生分享，他小時候曾因家庭問題，入住兒童之家，大讚當年的政府關懷備至，相比之下現時大相逕庭。他從事餐飲業，在廚房工作，以師傅做比喻官員：「師傅可能做得耐，冇俾人訓話過、冇自己去反省，好多嘢又唔操吓自己，咁咪越嚟越散囉。我哋啲新人去到好積極想做嘢嘅時候，做得耐嗰啲『老屎忽』唔願郁，好多嘢都唔肯做、唔檢討。人係要不斷進步檢討自己，根本上（現時）見唔到囉。」
盼原址重建 「宏福苑就係宏福苑」
至於合安的簡介會，尹先生直斥「完全冇用」，因對方根本不聽居民意願。他希望舉行業主大會，指明白有居民居住宏福苑數年，感情不會太深厚，但「我哋住咗幾十年，邊有可能話走就走㗎，冇可能㗎，自己阿爸阿媽咁辛苦做嘢有間屋落嚟⋯⋯即係你賠咗錢俾我，我都想佢原址重建，因為宏福苑就係宏福苑」。
政府提供的大埔原區安置選址只有一個，就是頌雅西路。尹先生質疑，該處原本是用來興建公屋，現時不過是「公屋轉個名做居屋」，而且該處鄰近山墳區域：「你（政府）話宏福苑168條人命（罹難），返去住可能唔舒服，但係你有冇諗過頌雅西路嗰度有四、五個墳圍住，隔離仲有間學校。咁你點樣揀呀？」
他嘆，政府以8,000元呎（未補地價）收購，根本無法在私人市場購買相若呎數單位：「我哋係災民，唔係罪人，唔好成日當我哋係罪人，好唔好呀？喺我哋身上嗰度搵著數，問你嘢又話唔知道。我符合唔到現代而家呢個思維，因為真係冇可能㗎⋯⋯政府攞捐款當自己嘢去買災民嘅業權，呢個真係全世界笑話。」