【獨媒報導】大埔宏福苑居民第四日上樓執拾，今日輪到宏仁閣、宏昌閣部份樓層居民。居住在宏仁閣9樓的李先生早前曾言其單位已「total loss」，他今日上樓執拾，再次炮轟政府從發生火警到現在善後工作「講一套做一套」，並慨嘆每日奔波尋找援助已好攰：「根本係幾亂。有啲乜嘢可以支援？乜嘢都cut晒啦！我呢幾個月，每一日就係起身睇吓去邊度，睇吓有咩援助，跟住去補領乜嘢證件，跟住返咗屋企就睇嗰啲WhatsApp 資訊，聽定聽日要去邊，我有5個月未去過酒樓飲過茶，照計我退休生活，可以朝頭早去行山、晨運，完全俾宏福苑呢三個字蓋淹晒，我真係好攰呀。」
居民感嘆：我都唔知有啲咩攞 「呢條路返去係好遠」
李先生今早乘坐政府安排的免費接駁巴士，在大埔墟火車站再次接受傳媒訪問。他初時一度不願意接受訪問，及後稱自己「成副武裝」，已攜同電筒、鏟子拾回物品。
記者問到李先生最想取回的東西，他坦言「我都唔知道有啲咩攞」，反問能否取回證券、金條及現金：「我都唔知⋯⋯我唔知自己上唔上到樓，我依家好恐懼、好怕行，呢條路返去係好遠。」他稱一直希望能返回屋企，「我等咗呢日好耐」，但對當局現時才安排居民上樓感到不滿。
逃出火場後心臟病發 留院一個月
在火災當日，李先生在逃出火場後心臟病發，要留院一個月。他批評政府的安排一塌糊塗，「要講真係講到今晚都講唔完」。
李先生自1993年遷入宏福苑居住，他斥當局從發生火警到現在的善後工作，「講一套做一套」：「根本係幾亂。有啲乜嘢可以支援？乜嘢都cut晒啦，我呢幾個月，每一日就係起身睇吓去邊度，睇吓有咩援助，跟住去補領乜嘢證件，跟住返咗屋企就睇嗰啲WhatsApp 資訊，聽定聽日要去邊，我有五個月未去過酒樓飲過茶，照計我退休生活可以朝頭早去行山、晨運，完全俾宏福苑呢三個字蓋淹晒，我真係好攰呀。」
在收到「一戶一社工」的相片後，李先生看到單位內的組合櫃已倒塌，廚房不鏽鋼、鋅盤已燒到溶爛，「你話呢場火幾恐怖」：「鐵床個床架都溶埋，窗花都冇晒。」至於是否會與屋企道別，李先生就稱「希望搵到啲特別嘢」。