（獨媒報導）宏昌閣、宏道閣高層單位住戶今日上樓執拾，宏道閣居民、75歲的朱伯，其結婚逾30年的太太在大火中喪生，是宏道閣2名死者之一。朱伯今日每行四層便要稍作休息，最終順利登上22樓的住所：「點都要上去⋯⋯要攞返啲物件，我太太生前嗰啲物品⋯⋯。」談到亡妻及入屋後如何悼念對方，朱伯一度眼泛淚光，形容自己欲哭有淚，但指「執嘢都需要時間」、「隨時都懷念住，呢一世都唔會忘記。」（影片）
身形駝背的朱伯，他在落樓離開時接受傳媒訪問，由於今日下雨地面濕滑，在離開時要由社工攙扶。被問到如何隻身走上22樓的住所，朱伯露出微笑說「上吓、唞下」、「上四層唞一唞」，並且有多人陪同，指社工、警察、民安隊都很照顧自己。他指3小時執拾對並不吃力，反而對協助執拾的親戚朋友、社工才是「相當吃力」。
太太吸入濃煙離世 「呢一世都唔會忘記」
在大火前，朱伯與妻子一起居住在宏道閣的單位，太太不幸在大火中吸入濃煙離世：「點都要上去⋯⋯要攞返啲物件，我太太生前嗰啲物品。」他上樓後發現家居未有被燒毀，並帶走照片、文件、太太生前的物品及書籍：「我太太離開咗呢個世界，唔係火燒，係濃煙⋯⋯」
被問到入屋如何悼念亡妻，朱伯就表示「執嘢都需要時間」：「隨時都懷念住，呢一世都唔會忘記。」他回憶昔日與太太住在宏福苑的時光：「好愉快，樣樣嘢都幾乎一齊做，依家就無依個機會喇。」
與太太居住宏福苑27年 憶亡妻眼泛淚光
記者問及太太的時候，朱伯不禁眼泛淚光，說話時不時停頓：「太太⋯⋯嗰啲傷感好快嚟，隨時會湧出嚟⋯⋯」他只想和太太說：「我依家係⋯⋯我依家係盡量做我應該要做嘅嘢⋯⋯」
兩人在1993年結婚，至1998年搬入宏福苑，這裡是他們的安樂窩。朱伯大讚屋苑交通方便，與太太同住是其最珍貴的回憶，多年來生活融洽：「好愉快、好愉快，樣樣嘢都幾乎一齊做，依家就無依個機會喇。」
未能尋回龍鳳鈪已報案 表明必再次上樓執拾
在跟社工離開時，朱伯只帶同一個未裝滿的小紅白藍袋。他指有些物品未能尋回，包括亡妻的龍鳳鈪，因為不知擺放的位置，由生前的太太收藏。部分財物在向警方報案後已找回，但有些仍未尋回：「好彩個單位冇燒到，但我太太就唔好彩。」
對於或有機會再次上樓，朱伯表明「一定要上」：「兩次、三次、四次、五次，以至無限次⋯⋯。」他希望能拾回更多東西，因為家中非常混亂，執拾需時。
有記者問到政務司副司長卓永興「斷捨離」說法是否刻薄，朱伯就指「副司長有佢嘅道理」：「如果咁易斷捨離，嗰個唔係我嚟。」