【獨媒報導】大埔宏福苑七座大廈自去年大火後，昨日起首次准許居民分批上樓執拾物品。民建聯西貢區議員莊雅婷與施彬彬下午帶同關愛隊隊員於大埔墟港鐵站集合，一行約20人前往宏福苑。被問到關愛隊今次前往宏福苑的服務內容，施彬彬回答指尚未清楚具體內容，「未確定，具體安排再等民政署嘅同事一陣再確定」，其後沒有回答其他問題，並指「趕時間」。莊雅婷就指預計下午1時半至晚上7時半都會在宏福苑，亦有可能再「晏少少」。有記者問到其丈夫鍾培生「會唔會過嚟幫手」，她則沒有回應。
居民攜白花促開業主大會
一名手持白花女士，下午於大埔港鐵站外登上接駁巴士前，經過記者身邊時多次強調想開業主大會：「其實如果可以幫我哋反映，我哋想開業主大會」、「幫我哋反映，開業主大會」、「我哋想開業主大會，因為真係開唔到」、「就係想開業主大會，好簡單，唔該晒。」被問及上樓有何準備，以及白花用途等，則沒有回應。
梁先生、梁太太
夫婦盼尋回家傳之寶
居於宏新閣16樓的梁先生坦言對上樓沒有太大期望，「屋都燒咗八成㗎喇，上去都係摷吓有冇嘢㗎咋」，最想取回結婚用的手錶及金器。梁太太則明言希望尋回兒時用過的雪梨刀：「同埋我把批雪梨嘅刀呀！冇咗喇！12吋長，我細個嗰陣，就咁轉轉轉，批完之後成朵花咁㗎。」她更指，雪梨刀是「老豆傳落嚟」的家傳之寶，已不能在外買得到。
梁先生向記者表示，二人一向有行山習慣，有時亦會選擇行上屋企，因此對於要爬上16層樓梯不感擔心。為了今次上樓，他準備了一張摺凳、護鏡及手袖等，打算「慢慢坐喺度摷嘢，預咗係冇嘢嘅」。他們又表示，希望順便上去「悼念吓間屋，望吓我住咗40年間屋」。