（左起）宏福苑前法團管委會委員江祥發、居民李先生、遺屬葉先生
（獨媒報導）政府欲收購宏福苑7座受火災影響樓宇的業權並拆卸，不作住宅原址重建，但並非所有居民都同意方案。獨立委員會今日在聽證會上，首次披露在該七座的1,736個單位中，有924個遭受不同程度損毀，有812個單位（46.8%）則未受任何影響。有旁聽居民聽到數據後，批評政府所要求七座全拆是「匪夷所思」。遺屬葉先生同樣不解：「房屋局長（早前）所講，我哋啲樓豆腐咁樣，掂一掂就冧，但今日我哋見到嘅訊息並唔係咁樣。」他要求當局提供詳細報告解釋。
中間棟為宏盛閣
居民：睇到自己個座損傷唔大
會上披露，宏盛閣主要是6號單位受波及，其餘單位幾乎未受影響。出席首日旁聽的何小姐，正是居住6號單位。她指政府一直未有提供大廈損毀詳情，並遲遲未安排居民上樓，但她在會上觀看相關影像後，認為「內裡我唔覺得有好大損傷，但點解奈何政府一出嚟就話要收購業權、拆晒七座，係匪夷所思」。她說自己亦常回到宏福苑觀察環境，「睇到自己個座損傷真係唔大」，希望記者「認真去宏福兜個圈睇睇」。
她坦言最想原址重建，質疑政府當初稱以問卷作初步諮詢，最終卻根據問卷結果「一刀切」，做法對他們不公平：「當你哋啲人原址重建（意見）係廢嘅，夾硬搵一個安排出嚟」。
何小姐
葉生：數據與當局說法不符
遺屬葉先生則表示，看到只有大約一半單位受到不同程度損傷、亦非全部「燒通頂」，「我哋見到好大部分單位原來係完好無缺，我唔明白點解咁都要拆晒我哋。根據房屋局長所講，我哋啲樓豆腐咁樣，掂一掂就冧，但今日我哋見到嘅訊息並唔係咁樣。」他要求政府提供完整報告，列出各座受損程度。
母親及兩名家傭在大火中離世的遺屬李先生則認為，「政府用公帑收購業權好唔啱，善款同公帑都唔啱，佢唔係補貼，佢係攞得返，佢攞40億（公帑）係換咗笪地揸手。將善款變做公帑。」
