【獨媒報導】《維護國家安全條例》早前已完成立法並實施，政務司司長陳國基出席博鰲亞洲論壇，被問到外商是否有其向反映對23條的憂慮，他就表示：「同佢哋傾計嘅時候，無一個政府代表，無一個商界嘅代表同我提出對23條嘅立法有憂慮，甚至乎係無人提出過23條𠻹。」
陳國基中午在海南見記者，總結博鰲亞洲論壇行程。被問到在論壇期間，是否有聽到外商對23條的疑問或憂慮，陳國基稱在與政府、商界代表交流時，未有人提出23條：「其實都好容易理解，因為做商界，我認為最緊要有一個比較上安全，同埋平穩嘅社會環境。」
政府新聞處相片
再重提反修例 批西方媒體不欲港立法才能有機可乘
在見記者時，陳國基再次重提2019年反修例：「唔會認為天天汽油彈、示威，日日衝擊對做生意係好嘅環境嚟。」他重申，設立《香港國安法》及《基本法》23條立法正是為了保護本港，保證安全、平穩的生活及營商環境，「呢啲咁好嘅營商環境，對於做生意嘅人嚟講，一定係歡迎，一定係需要嘅。」
對於有西方媒體對《基本法》第23條立法表示憂慮，陳國基就認為屬於「政治性嘅講法」，指本港在「黑暴」期間，每日都發生很多暴力事件：「點解佢哋當時唔出嚟講，影響佢哋營商環境呢？」他認為，實情是對方不欲香港具有保障安全的條例：「咁樣佢哋先至有機可乘，我相信市民應該要清楚呢一點。」
垃圾徵費掀爭議 陳國基：認真務實試行後才作最後決定
另外，垃圾徵費將在下月1日作先試先行，但就再次引起爭議。陳國基稱，當局已知悉不少市民、團體對實行細節有憂慮，希望透過先試先行，深入每一個環節了解市民意見及難處：「我哋一定會做到最仔細去睇。」
陳國基最後強調，當局將會收集市民意見：「我哋呢次係好認真、務實去睇，我哋睇完之後先至會做最後決定。」