【獨媒報導】政府昨日公布三隧分流的第二階段「分時段收費」措施，將在12月10日凌晨5時實施。俗稱「搵食車」的商用車，將會全日劃一收50元，行走紅隧的過海紅色小巴最大影響，每次隧道費由10元大增至50元。業界商會主席今早在電台節目批評政府離地，不斷游說業界走西隧分流是「天方夜譚、不切實際」。他稱只能加價，叫市民體諒，「呢啲唔係我哋錯，係政府嘅錯」。他又指政府鼓勵夜經濟，一旦小巴加價，市民或「夜晚唔出街」。
香港公共小巴車主司機協進總會主席張漢華今早在商台《在晴朗的一天出發》節目表示，現時不少過海紅色線，都集中在中環及銅鑼灣，終點在旺角，因此行走紅隧，經加士居道再入彌敦道，「你（政府）叫我行西隧有咩可能？根本係浪費時間」、「乘客都詐型啦，行西隧咁遠」。
張漢華（資料圖片）
稱巴士載百客同交50元 做法不公
商用車劃一收50元隧道費，意味小巴的競爭對手巴士，即使乘客量更大，都只收50元。張漢華批評是「唔公平」，因為小巴只得16座，巴士可以容納百多人。對通宵車而言，接載過海客往旺角後，很多時要「空車」折返，但同時要再付隧道費。張漢華表示現時觀塘過海線的價錢，已較巴士貴，進一步加價將無法與巴士競爭，相信將來「好可能唔開喇」。
長遠而言有多少紅色小巴線要減少？張漢華表示待加價後再觀察一段時間，尤其是市民能否接受，他強調加價「呢啲唔係我哋錯，係政府嘅錯」，他又批評經政府經常鼓勵行西隧，「天方夜譚，不切實際嘅講埋啲嘢」，他又言「政府成日話支持夜晚活動，如果你加咗價，（市民）夜晚唔出街」。
資料圖片
運輸署指大部分紅Van已改用西隧
運輸署助理署長梁世豪在同一節目回應指，署方首要考慮是「效率優先」原則，將大車統一50元收費。他又指以往紅隧的收費水平「太低，去到不合理水平」，政府希望藉今次改動「理順」隧道收費。
對於紅色小巴的意見，梁世豪表示「明嘅」，不過他引數據指現時日間過海小巴，很多已由紅隧改用西隧，因為乘客坐小巴「有個期望係快啲，唔想塞咗喺度」。至於通宵小巴，他指新收費與過往三隧「平均數」40多元，兩者「係相約㗎」。
主持人反問，為何不降低夜間隧道費？梁世豪指今次「搵食車」統一收費，是聽取業界大部分人「唔想有個太複雜嘅收費表」，政府於是「呼應返呢點」，業界亦曾反映分時段收費，或會出現車資爭拗。主持再問，是否希望紅色小巴「完成歷史任務」，梁世豪說一向鼓勵紅色小巴轉做綠色線，不過他明白阻力主要來自紅色小巴較「靈活、自由度大」，不過署方角度是希望是香港交通規劃上，「啲嘢係有系統啲」。