（獨媒報導）位於粉嶺的馬屎埔村受新界東北發展區發展計劃影響，村落自去年起開始陸續被收地，地政總署人員、警方及外判保安員等數十人，今早突襲馬屎埔村收地，圍封四戶已過搬遷期限、但尚有村民居住的家園，僅給予15分鐘收拾離開，其中一戶被封屋的區先生曾經中風，他情緒激動：「死咗咪仲好囉。」
大批警員到場
地政突襲封屋 中風村民情緒激動：死咗咪仲好囉
早上10時12分，地政總署清拆（三）辦事處經理鄧建雄首先帶隊到區生區太家收地，表示今日一定要圍封，將會封門封窗並截水截電：「時間已經到，今日一定要收依間屋」，續指：「由10時12分起計嘅15分鐘，如果你哋唔喺依個時間離開，我哋就會收回㗎喇，得唔得？」區生區太強烈反對：「唔得！」
曾中風的區生情緒激動，他打開大門斥：「你鍾意拆就拆」、「入嚟搬！入嚟呀！」區太見狀馬上安撫區生：「唔好呀，你啱啱先出院咋！」區生不斷喘氣、心口起伏：「死咗咪仲好囉！」
僅得15分鐘收拾 村民反問你可唔可以15分鐘決定啲嘢要唔要？
雙方續就15分鐘時限爭拗，區太反問：「你可唔可以15分鐘決定啲嘢要唔要？」地政總署表示可將家具搬到門外予兩位選取保留的物品，並安置於貨櫃，稍後提供時間予他們取回物品。署方重申15分鐘後不能再進入封地範圍，區太回應：「好吖！你同我搬晒入去，一件都不可少！」「有咩破爛我要入返你哋數！」
區生區太的搬遷期限為今年4月1日，惟一直未獲安置妥當。區太表示今日下午5時將領取上水清河邨鎖匙，地政總署則回應稱早已提供時間領取，但區生區太並無準時領取，區太則回應是其兒子忘記拿取鎖匙，已即時重約時間。
地政原答應給予一星期搬遷 旋即反口要即時封
在馬屎埔耕種二十多年、「英記花果莊」的黃先生是另一位被收地的住戶，其搬遷期限同為4月1日。他稱尚未獲安置住所，重置花圃於古洞的「農業園」，亦最快需一年後才落成重月要求地政總署給予15天讓他尋找暫住地方。經商討後，地政總署清拆（三）辦事處經理鄧建雄原答應給予一星期時間，惟約一小時後，又突反口要馬上封屋。
村民黃先生
黃先生表示，村民有三次機會「睇樓」選擇搬遷的地方，他上周五（5月21日）才第一次到清河邨「睇樓」，本周三回覆因地理位置不便，故不選擇清河邨，惟至今尚未獲安排第二次「睇樓」便突遭封屋，斥：「未安置好，突然要你15分鐘搬走，係咪佢嘅錯？」
母親房屋被拆 村民批針對村代表
馬屎埔環境關注組關先生母親的房屋同樣被封，地政職員用鉗破門，關先生欲入內關電掣，被一名「衛業」的外判保安員阻止：「我哋會搞掂」。關先生批：「依間屋咩都未搞（賠償手續）。」他表示自己3月時主動去信接觸地政總署，至5月才到場量度房屋面積，尚未知賠償金額。關先生續指，已相約地政總署於下周二提交文件，包括住址證明，但今日突遭封屋：「點解一直唔接觸我？因為我係村代表？」、又批「有連坐法，特別針對我同我家人！」
村民關先生
農民擔心地政帶隊收地刺激90歲老父
馬屎埔村農民謝達仁，今日其農地被地政總署強行收回，謝父自 1953年在該地耕種，建立了「泉記」蔬菜。他昨日已遭地政總署收回搬遷限期為4月1日的房屋，因收到消息今日地政總署會到場收地，並有警方支援，擔心其90多歲的父親會大受打擊，無奈「投降」，主動交出房屋：「唔係佢有道理，我係向強權屈服。」
村民謝達仁
他指點算青苗賠償的程序尚未完成，加上狗隻尚未安置妥當及尚未獲批復耕農地，故一直未有遷出。他透露在5月17日到地政總署查閱青苗報告時，遭地政總署清拆組主任以不友善態度警告：「佢話你已經過晒期， 青苗支票已準備好， 會隨時嚟收地。」
北區區議員到場安撫村民情緒
三名北區區議員到場協調，包括北區區議會主席羅庭德、新民主同盟劉其烽及蔣旻正，劉其烽望能安撫村民情緒，批評當局「一嘢殺落嚟話要收咗間屋。」他斥當局未做好安置，認為地政只給予15分鐘收拾不合理，「政府企得好硬，唔肯改。」
新民主同盟劉其烽（右）
