圖：陳老師展示《無權勢者的力量》一書
【獨媒報導】《港區國安法》實施一年後，港人移民潮再現，多間學校教師更出現離職潮。《獨媒》訪問了兩位教師，與他們詳談決定離與留的心路歷程，有人堅持留下發聲，有人則對香港教育死心，寧在異國開始新生活。「走先啦，係咁先啦」，從來也不輕鬆。
陳老師（化名）在大學時期就讀土木工程系，2002年畢業後便投身教育，主要教授數學科。與他初次見面時是在教員室，他的工作桌上貼滿由學生親手造的生日卡，卡上盡是滿滿的字跡與畫作，當中更有不少文宣在旁，如印有「良知」及「香港加油」的卡紙。在密密麻麻的卡堆中有一張寫著「莫忘初心」，下款不是學生，而是另一位老師。陳老師主動說這位老師已移民。宏觀整個教員室，清空的位置映入眼簾，移民潮已無聲捲起。
資料圖片
留下只因放不下
教師向來被視為高薪兼穩定的工作，有移民的「本錢」，陳老師坦言也想過移民，但最後仍是留下。「即使我走到，都有一批人走唔到嘅。」他語重心長地說。他口中的「一批人」正正是他最放不下的學生。他指自己身為老師，便有價值留下來教授學生，幫助學生培養求真概念，「唔係人哋話俾你聽件事係咁就係咁，要靠自己去了解同睇每一件事嘅真相係咩嘢。」
陳老師提到，校內討論政治的空間大減，甚至連六四歷史事件亦被禁提，更反問記者：「你喺依個空間（香港）你仲點做記者呀？」他強調「唔係話去灌輸『黃』嘅知識，其實個（討論）空間亦都唔存在啦」，而是讓學生「用自己嘅方法睇依個世界」，不是由老師直接灌輸資訊。
除了下一代，陳老師放不下的還有社運中的被捕人士，「有空間幫依批人都盡幫。」他稱自己未有子女，移民的迫切性較低，「如果有小朋友嘅話，教育方面嘅壓力大好多嘅。」他甚至不諱言稱沒有生育計劃，苦笑指：「香港根本唔適合生小朋友嘅。」
教育局局長楊潤雄
嘆教師表達自由收窄
由2012年的「反國教」到2019年的「反送中」，陳老師一直積極參與。他認為教育局對老師的限制愈趨嚴謹，表達自由逐漸收窄，合法遊行集會亦漸漸變成「大家冒住犯法嘅危險出去」，有時也不得不隱藏自己教師的身份。
他指在校園內會盡量保持政治中立，「你講一邊無問題，應該講埋另一邊，要俾同學睇晒所有嘢」。在反送中運動期間，校方起初批准學生在校內靜坐、唱歌或設計壁報牆，但亦會要求「都要帶返啲fact check咗嘅事實俾同學知」。惟國安法實施後，教育局已表明學校絕不容許任何政治宣傳活動，陳老師苦笑道：「依個唔關學校事嘅，依個係中央指令唔能夠做。」
「要我完全唔講就一定唔得」
雖然校內噤聲，但陳老師仍堅持於網上發聲，又諷刺老師的社交媒體已是監察對象，「教育局就話私人社交媒體就唔係私人嘅」。他表明不會避談政治，但只會與相熟的老師討論，「完全唔講就正中政權嘅下懷」，要盡量不讓自己成為別人的把柄。
陳老師提到曾有同事提醒他避免在社交媒體表達政見或分享報道，他則反駁自己已表達隱晦，又認為「報章都報導得，點解我唔講得？」他更與記者分享他的私人社交媒體帳號，大部分貼文都與政治有關，「要我完全唔講就一定唔得」，但會避免發佈一些引起社會對警察仇恨的訊息。他又直言國安法實施後，社交媒體「模糊程度要再模糊啲」。
他又慨嘆，以往可以隨心所欲與學生分享政治看法，但現在會更小心，「唔係話唔信個學生，但佢可能同屋企人傾過計，講咗少少嘢出嚟，你唔知其他人點睇。」加上去年起因疫情而採用網上授課，鏡頭背後的家長也在監察老師言行。他舉例指有老師在上課期間誤說「台灣是一個國家」已遭匿名投訴。
為人師表甚艱難，在香港更是百上加斤，但陳老師仍然堅持：「我可以好安全咁做老師，我可以覺得國安法完全唔關我事，我亦都可以好安穩咁拎全港頭20%嘅糧，亦唔需要擔心會俾人篤灰，但我就係做唔到。」
黑暗中，做自己
記者在訪問前要求陳老師帶一樣別具意義的物品，他拿出一本名為《無權勢者的力量》（The power of the powerless）的書，「每一個極權都有最黑暗嘅時期，但你永遠唔知道幾時有機會翻身。喺最黑暗嘅時期，可以做嘅嘢當然係咩都唔可以做啦，好似宜家咁，但係唯一可以做嘅就係做返最真實嘅自己。」