【獨媒報導】垃圾徵費將於4月1日起實施，並於初期設6個月的適應期，期間會以「勸諭和警告」代替執法。反圍標大聯盟召集人莊榮輝在民主黨網台節目表示，條例於執行上有難度，加上政府未有作清晰宣傳和教育，更沒有預先為計劃「測試」，「大家就睇住究竟4月1號實施嘅時候點『爆煲』」。
民主黨前主席劉慧卿主持網台節目「ChatDP with Emily Lau」，與多參與大廈法團管理的莊榮輝討論垃圾徵費。莊榮輝指，近日與逾10名大廈管理人士討論，笑言現階段只打聽到一個「可行」方案：「佢哋（法團）而家有個計劃，諗住封晒所有樓層嘅垃圾房及垃圾槽，開放地下個大垃圾房，每日開放3個鐘頭。」不過即使執行此方案，亦難以阻止住戶棄置垃圾於樓層，「有啲大廈一梯係十幾伙，你係分辨唔到邊個扔。」
批半年適應期「好唔現實」 加重業界壓力
垃圾徵費計劃將於實施初期設6個月適應期，期間會以「勸諭和警告」來代替執法。莊榮輝批評為時太短、「好唔現實」。對於環境及生態局局長謝展寰稱物業管理需「執手尾」，莊榮輝坦言「如果你全個屋苑都唔合作，或者有一半人唔合作，你每日剩係扔垃圾，幫佢補番個膠袋，嗰啲程序、時間、錢就變咗好多囉。」業界收集垃圾風險大增。
他又稱留意到近日街上垃圾數量有所增加，「大家就睇住究竟4月1號實施嘅時候點『爆煲』，但其實而家物管同清潔業界已經『爆緊煲』」。
環境及生態局局長謝展寰
建議「漸進式處理」 以免引恐慌及反感
莊榮輝認為垃圾徵費應以「教育及自律」為重，並「漸進式處理」，「我哋無呢個過程，我哋4月1號開始，一嚟就要俾錢再加會罰。政府要考慮一下會唔會先要大家習慣俾錢，盡量減少自己嘅垃圾先，習慣咗啦，按住個成效，去睇有百分之幾係唔跟呢個例，諗點樣去勸喻佢、教育佢，再諗點樣罰。你一嚟就罰，可能會令大家好恐慌、好反感。」