【獨媒報導】李家超昨日宣布參選行政長官，他今日下午在位於中環廣場的競選辦公室外見記者。記者問李家超，「2019逃犯條例推行修例嘅時候，你覺得自己個人有無缺失、如果重新嚟一次你會唔會做返相同嘅決定，同成個2019年表現你覺得自己對唔對得住香港？」李家超重申，修例初心是履行香港在打擊跨境犯罪上的國際責任，稱「大家都知道，當時修例之後所引發出嚟嘅嚴重暴力行為、港獨嘅肆虐，以及外國嘅一啲勢力插手推波助瀾，呢個事實大家都知道㗎啦。相信歷史會有公平嘅評價。」
記者又問李家超，在辭任政務司司長前是否曾到深圳對中央官員表達參選意向，遂決定參選。
李家超回應時表示，「我簡單回答下啦，我嘅選舉工程會有時間限制」，強調和內地政府的任何接觸，「公佈嘅就公佈，唔公佈嘅就唔公佈，呢個係唔會再重複㗎啦。」
選委送上門給提名 李家超稱感謝
多個不同界別的選委昨日已送上門提交提名，目前已取得約200個提名，李家超亦稱，多名選委已親身將提名交到其辦公室，對此表示感謝。
李家超透露，今日已安排兩場網上見面會，和不同界別的選委見面。他指由於疫情關係，競選活動只能在網上舉辦。他表示，會參考選委提供的意見，在收集後撰寫政綱。