（獨媒報導）財政司司長陳茂波日前在網誌提出將香港夜市「搞活搞旺」，連日來獲零售和商界議員附和，提出大笪地和廟街模式的「夜市」，市民未扲荷包亦感受到一片歡樂。不過叙福樓集團主席黃傑龍今早在電台節目就表達業界冷淡看法，其實飲食界「無咩人提呢件事」，現時核心問題是「無客」，假如政府突然「製造競爭」，只會將利潤「攤得更薄」、「要死嘅人仲死快啲」，他提醒要「特別小心」。
黃傑龍今早在商台《在晴朗的一天出發》直言，業界對財爺一說的反應是「無咩人提呢件事」，只知道不同傳媒不時找業界回應，他表示財爺「完全無定義過咩叫『夜市』」，業界難以討論箇中細節。
他同意現時香港由從前「不夜天」，變到現在「出街話無車無人，的士無生意。以前成日話去尖東好多野玩，而家就黑鼆鼆，隧道無塞車嘅」。黃傑龍相信財爺關心的是夜間消費，未必是大笪地模式，但既然社會被「撻著咗」，財爺或「聽下大家講乜先啦」，再從長計議。
黃傑龍（資料圖片）
若派晚市消費券 食客「餓多兩個鐘先食飯」
現時業界面對的核心問題，黃傑龍認為是即使正常晚市時段，餐廳都坐不滿客。即使推出夜市消費券亦「唔係辦法」，他相信只會將本來7時用膳的客人，「餓多兩個鐘先食飯」，根本原因是「都係嗰批人」，即客源沒有增加。他表示政府要思考如何「整旺全個市道」。
對於有人呼籲業界「開夜啲」，黃傑龍表示「呢啲真係笑死人」，他指香港租貴「係人都知」，「做生意最好24小時做啦，但無客吖嘛！」
港人北上阻不了 「出境係基本自由」
主持人問現時香港飲食業的處境，是因為旅客數字大不如前，抑或多了香港人北上。黃傑龍表示「唔可以叫香港唔去旅行，出境係一個好基本自由」，綜合而言主因就是「經濟差」導致現時局面，他形容香港現時經濟處谷底。
他不相信政府會「胡亂出招」，業界會與政府商討「有咩做得」，例如派消費券、資助表演團體在18區表演，「做神功戲，食肆都好啲啦」，他認為要令市民「有啲藉口出吓街，等成個市旺啲」。主持人笑言「神功戲唔係畀鬼睇㗎咩」，黃傑龍就指「都有啲活動」，他提醒政府不要「製造競爭」，忽然令市民「多咗好多方法消費」，但整體消費客群數目沒有增加，只會令利潤「攤得更薄，要死嘅人仲死快啲，咁要特別小心」。