【獨媒報導】男子組合MIRROR演出會發生嚴重事故，一名舞蹈員被大屏幕壓傷，情況危殆。MIRROR 12子事後一直未有現身及回應事件，隊長楊樂文（Lokman）事隔4日後於社交平台開腔，稱「我哋會互相照顧，大家唔駛擔心我哋」，祝願受傷舞蹈員早日康復，並著大眾給予傷者與家屬時間及空間。
Lokman約下午4時半在Instagram貼出黑圖，文中先指「我哋會互相照顧，大家唔駛擔心我哋。」他希望大家集氣，祝願受傷舞蹈員早日康復，包括仍在伊院深切治療部留醫的李啟言（阿MO）、早前已出院的張梓峯（阿峯）及羅德智（Zisac）。
Lokman續指感謝「好多人幫緊我地」，包括公司上下、娛樂圈前輩及同伴，「熟悉嘅唔熟悉嘅，都盡佢哋嘅努力，都同我哋一齊。」他重申「我哋自己都會睇住自已，唔使擔心」﹐著大眾給予傷者及其家人時間與空間，並於最後留下「祝福」二字。
MIRROR副隊長江熚生（AK）、姜濤、盧瀚霆（Anson Lo）、呂爵安（Edan）、邱士縉（Stanley）、李駿傑（Jeremy）、柳應廷（Jer）及經理人花姐等人亦有轉發帖文至限時動態，其中Edan在限時動態中稱：「只求人冇事」Jer則稱：「大家都要take care～」COLLAR隊長沈貞巧（阿Gao）有讚好，歌手張繼聰、C AllStar的On仔及釗峰、 演員吳海昕、商台DJ 少爺占及當奴均有留言表示支持。