看過近期人氣電影《緣路山旮旯》，會唔會覺得荔枝窩好靚呢？正如片中所講，來往荔枝窩，搭乘街渡遠較走山路便捷，只是船期太少，只在星期六日及公眾假期才有一班船。不過自7月中開始，大水坑德信中學對開嘅77號梯台，除咗多咗星期六日來往大尾督嘅街渡服務外，逢星期二、四，亦多了一條「荔枝窩穿村水上巴士」航線，咁呢條航線同周六日馬料水到荔枝窩的街渡有什麼不同？
＊＊＊＊＊
據成功申請了基金，主辦「荔枝窩穿村水上巴士」新航線的香港鄉郊基金項目策劃譚煜耀表示，之所以申請在星期六、日及公眾假期以外開航線到鴨洲、吉澳及荔枝窩，一方面係睇到假日這線客量多，加上本地旅遊團亦會喺假日另行安排船隻上島遊玩，令這幾個島的承載量已近頂，因此試辦平日的街渡，讓旅客可享受相對清幽閒適的自然環境。
吉澳高棚頂眺望澳背塘，只見海天一色，海水像湖水一樣淺綠漸變到澄藍。
而更重要的是，希望藉改善交通的便捷度，吸引更多本來已遷離的村民更有動力多回村，以本地人身份作導賞，或舉辦如茶果手作坊等活化古村文化的活動；甚或只是多回去做些小生意，也可凝聚古村村民的歸屬感，令古村得以自己持續發展。
試辦期半年 船上設導遊
水上巴士現時由大埔三門仔公眾碼頭開出，就因為這三地頗多村民已移居到新界北，為配合他們的回村需求，增設了三門仔首站。之後途經大水坑77號梯台，9am開船；分別在荔枝窩、吉澳同鴨洲落船，再3pm喺吉澳、3:30pm喺荔枝窩回程，5pm返到77號梯台。
這艘船可載240人上下層都有冷氣座位。航線前3次航程乘客約60人，第4次已躍升至過百，出乎主辦單位意料之外。
既然航線是以保育目的，跟一般街渡不同，航程中有導遊介紹沿途風景地標、地區歷史及雀鳥生態等，並透過講解和有獎問答遊戲，滲入綠色生態遊的基本概念，如不應爬上地標石（如途經的鬼手岩）上拍照，逛宗教小島鴨洲的規矩等。
不過，這航線其實只是期間限定——7月至12月為試辦期，之後會不會有？合辦的聲威船務會不會願意接續營運？街渡服務是否仍會設置導遊？現在全是未知之數。馬鞍山居民宜把握這個可一未必可再的旅程。
鴨洲面積只有0.04平方公里，全盛詩，曾有逾千名漁民聚居。現只剩3人，為香港聯合國教科文組織地質公園的熱門景點。
撰文：Gigi
攝影：Kennis