（獨媒報導）民主派初選47人案今日正式開審，控方確認4名被告包括區諾軒、趙家賢、鍾錦麟及林景楠將會出任控方證人。區諾軒在上月中就曾寫信到電台，點唱予「D6妹」、「Gif」。他更承認自己未能達到不少後輩的期望，或令人失望，「宜家冇嘢緊要得過大家可以早日放學，不必再為我耿耿於懷。」
在案件中，區諾軒為第二被告，控方在開案陳詞中就指首5名被告，即戴耀廷、區諾軒、趙家賢、鍾錦麟和吳政亨均為初選的組織者。區諾軒自2021年2月28日被警方拘捕後，一直還柙至今，他另涉大聲公襲警案被判監禁9個星期，及8.18流水式集會案被判監禁10個月。
點唱《通心術》 稱激嬲咗「D6妹」
區諾軒在上月初曾寫信到一個電台節目，他以「教練」為署名點唱per se 的《通心術》指「之前激嬲咗D6妹呀，所以要點返唱俾佢。亦都點埋俾F先生，祝佢哋幸福恩愛」。
除了「D6妹」及「F先生」外，「教練」同將該首歌曲點予「Gif」，稱「終於叫咗人劇透高達水星嘅魔女畀你啦」。
區諾軒（資料圖片）
稱銘記D6妹恩情 盼放低「一切不必要」
「教練」稱希望能對「D6妹」說：「我知道達唔到好多後輩心中嘅期望，或者令人失望，呢兩年我都有唔開心，宜家無嘢緊要得過大家可以早日放學，不必再為我耿耿於懷。記得D6妹喺我受難嘅時候車我啲行李返屋企，呢份恩情我銘記於心。」
「教練」又表示：「呢首《通心術》就希望好似呢首歌咁，世界末日嘅時候大家都可以放低同原諒，希望D6妹你收到啦。」他最後提到，「希望D6妹都唔好嬲啦，我哋嘅一切經歷之後，其實有咩嘢係唔可以放低呢？放低一切不必要嘅，拎起你嘅快樂同埋愛先係最重要嘅行裝，先至可以帶得走。」
區諾軒曾出任立法會議員，前香港眾志秘書長黃之鋒則曾仼其議員助理。在47名被告中，共有31人認罪，包括案中的第六被告、前南區區議員袁嘉蔚，認罪的被告須待審訊至少於6月結束後才會一併判刑，案件預料將審訊90日。