【獨媒報導】港足周六在多哈進行首課操練，訓練場位於卡塔爾大學內，是前年卡塔爾世界盃球隊的訓練場地。在完成首課操練後，陳肇鈞向《獨媒》指，非常享受練習，大讚場地一流、頂級：「我哋練波都集中咗好多，場地質素係真係好高，成個facility 係我見過最高級嘅一個地方，希望呢一樣嘢可以畀我哋準備得好啲。」
足總圖片
港隊已由阿布扎比轉往多哈，繼續備戰亞洲盃決賽周，周六在卡塔爾大學9號訓練場作首課操練。從足總發佈的照片及影片可見，一眾球員先後進行傳球、盤球等適應性訓練，並進行小組賽，早前有傷在身的中場胡晉銘及後衛茹子楠亦有用波。
足總圖片
前年世界盃球隊訓練場地 陳肇鈞讚練習場設備先進
除了港隊，巴林、中國、阿曼、馬來西亞及澳洲同在卡塔爾大學內的訓練場習訓，分別使用1號、3號、8號、10號及11號訓練場。翻查資料，阿根廷在前年世界盃決賽周，就選址卡塔爾大學3號操練場進行訓練，最後更奪冠而回。西班牙則使用1號訓練場，並下榻於卡塔爾大學宿舍內。
陳肇鈞亦向《獨媒》表示，練習場設備先進，場內更設有康復儀器：「睇到佢哋係，即係對呢個比賽或者之前可能係世界盃留剩落嚟嘅一啲基地啦，係好用心去整出嚟。」
足總圖片
周三鬥沙地 陳肇鈞：將進入「比較謹慎」狀態
在抵達卡塔爾後，港隊受到當地熱情接待，下榻酒店更為他們安排歡迎儀式。Philip 亦指酒店安排「好warm」，「Feel 到Qatar 安排上好充足，好有大賽feel」，相信同有助球隊提升比賽心情。
另外，港足將會在香港時間周三（10日）晚上11時半，在多哈與沙地阿拉伯進行拍跳。陳肇鈞則表示，現階段心情仍算輕鬆，將進入「比較謹慎」的狀態：「每樣嘢都做得細緻啲，依家開始係進入嗰個階段，重點係我諗大部分人都feel 到自己係最top-fit嘅，咁我自己希望都可以keep 住呢種心態去迎戰第一場啦。」