【獨媒報導】新升班甲組聯賽的地區球隊觀塘，昨日舉行開操儀式，該支區隊提出5年內升班港超聯。觀塘區足球會主席蔡捷成向《獨媒》表示，球隊今季不會聘用外援，而且「只會用返觀塘仔」：「用返觀塘仔上，呢個先至係目標！如果唔係用觀塘仔，呢個唔係我嘅諗法。」對於升班港超聯，蔡捷成稱希望讓更多年輕人投身職業足球。
在去季乙組聯賽，觀塘以第三名完成賽事，代表作包括擊敗最終贏得亞軍的至尊，早前與排第四的浩運雙雙獲足總邀請升班到甲組。球隊昨日在九龍灣公園舉行開操儀式，多名領導層出席，包括民建聯立法會議員兼球隊名譽領隊顔汶羽、觀塘體育促進會會長周耀明及足總董事胡偉民。
蔡捷成
在開操儀式後，蔡捷成接受《獨媒》訪問，確認球隊目標在5年內升上港超聯：「呢個都係一個方向，你唔會打死一世丙組、乙組㗎嘛，既然我哋覺得又有能力，咪俾啲青年人上。」他認為，香港足球在足總會長貝鈞奇、主席霍啟山帶領下，氣氛十分好，作為地區球隊「可以做多啲」，將足球產業化，並令更多年輕人投身職業足球。
新一季港超聯即將開鑼，今季有多達5支地區足球隊。同樣作為區隊的觀塘，蔡捷成指地區球隊的資源來自政府，自然有責任在區內推動足球：「就係好簡單嘅啫！足球亦都係好多人參與嘅運動。」他又表示，希望更多觀塘居民認識球隊，並將足球讓更多人認識，日後會舉辦更多訓練班、嘉年華及體驗日。
新季不會聘用外援 只用「觀塘仔」
被問到今季將出戰甲組賽事，當中不乏擁有前港超聯球員的球隊，觀塘將如何部署。蔡捷成明言不會聘用外援，而且「只會用返觀塘仔」：「用返觀塘仔上，呢個先至係目標！如果唔係用觀塘仔，呢個唔係我嘅諗法。」他舉例說，觀塘去季30名註冊球員中，全部都曾上陣比賽：「我哋唔係搵啲叻啲，你就出去踢，我哋無咁諗法，好與唔好都嘗試俾佢哋參與。」
至於會否使用九龍灣公園，或觀塘其他球場作為主場。蔡捷成稱「冇辦法」、「我哋無權話到事」，但指觀塘區內既有草地足球場，亦有硬地足球場，已較其他地區為佳，「多謝康文署多年來對我哋嘅支持」。他認為在康文署支持下，球隊有責任做得更多。
蔡浩淳
球員指隊友間默契好 齊心挑戰甲組
在球隊陣容中，多名球員都是「觀塘人」。現年31歲的蔡浩淳已加入球隊逾10年，擔任自由人，並兼任球隊的左右翼。他表示隨著年紀漸長，曾思考能否應付更高水平賽事，但指在乙組打滾多年，「都會想再喺高少少水平地方再踢波」。他又指球隊一直給予年輕人不少發展機會，「對呢度好有歸屬感，冇話要啲咩成績」。
本身是觀塘青年隊出身的蔡浩淳，他表示球隊去季在乙組的成績不俗，在升上甲組後希望「堅持得幾耐就幾耐」，承認甲組賽事的水平較高，加上有不少前職業球員，將與隊友爭取時間加操。然而，蔡浩淳坦言「我哋能力唔算太好」，惟隊友之間默契很好，都努力盡量配合，又指今季有數名外籍新球員加入，而且都懂得廣東話，所以溝通不成問題。
張智威
32歲中堅張智威已加入球隊4年，他對即將首次踢甲組賽事感到緊張：「而家嚟講一定好開心，仲可以同成班兄弟咁樣一齊上去，試吓啦。」該名「觀塘人」表示，除了每周訓練兩晚外，亦會額外加操，並指陣中大部份球員已合作多年，笑言隊友「行邊一步都會知」。