五年前嘅「We Will Be Back」，估唔到今日成真了。仲要係，由政府及建制派帶頭牽動破壞香港法治同自由，而成真了。
今次現場再冇分咩黃藍，普選對市民太遠，而家香港人要保住法治、人生安全，同時再擔心經濟同香港嘅未來咋。香港700萬人口，當中100萬人出嚟遊行，7個人有一個出嚟，仲多過平時投票人數嘅一半，而呢個政府仲可以視一意孤行為「堅持」，視漠視民意為「勇氣」、「執政意志 」，市民被當傻仔係會嬲㗎，全世界都匪夷所思。
五年來，社會好多撕裂傷口，但原來暗暗地都有好多進步。同樣地方嘅佔領運動，社交媒體發展得成熟，消息更流通更多核實，而參與嘅人都更成熟了。
新一代 Pick up 科技知識抗爭經驗超快，所有香港人埋位好快，物資站Set up好快，議員同抗爭者更連結，和理非同衝嘅朋友更包容，教會更落地，商戶更有Guts，支持罷工嘅管理層更有彈性與智慧，連我服務嘅學校，都一早搵定哂義務律師支援同學...
.
原來歷史真係一點一滴慢慢向前，香港未來唔知會點，但此刻嘅香港人真係好美麗！
我愛香港，比我自己想像中更愛。