前言
儘管捱過 812 的清場疑雲，卻沒人料到 813 會爆發機場抗爭的最大衝突。當晚先後有疑似公安和環時記者遭抓獲，救護員無法帶兩人離開，警察一度進入機場，遭民眾趕走。
警察俱已上車準備離去，抗爭者一再用機場手推車堆起路障，阻止警車駛走，陳先生則一再嘗試清除。
他向抗爭者解釋，這樣做出於善意，避免更大衝突，「（機場抗爭）可以再搞多幾日」。但年輕人批評他礙事，「隻眼係咪你賠？」他脫下眼鏡，站著對抗爭者說：「你攞去啦。」
儘管陳先生拚命移除路障，但始終趕不上抗爭者的速度，無法挽回。警察終於下車、揮棍、放椒、拉人。機場亦成功申請禁制令，「和你飛」抗爭暫告結束。
問到年輕抗爭者對他不滿，陳答：「所有群眾運動一定有人鍾意有人唔鍾意，依個好正常。我地有自己立場，同佢地一樣都有自己立場。我唔會阻止、唔會批評、唔會割席。同樣地我都希望佢地唔會同我割席。」
當晚衝突充分展現「兄弟爬山」與「齊上齊落」的張力，因此決定不一刀不剪放出 20 分鐘的衝突全程。
＊ ＊ ＊
陳振哲受訪時仍是一身西裝，和他在機場時一模一樣。當晚不少人誤會他是機場員工，其實他只是和朋友飯後路過。因為他希望公眾視殯儀為專業，所以常穿西裝猶如制服。
「條法例真係唔得呀嘛。」自六月開始陳先已經參選反送中遊行，「一來反對修例；二來不滿政府態度；三來支持年輕人。」
作為 40 多歲的上一代人，中學時他經歷了六四，成長後也見證了九七。「我睇住香港慢慢慢轉差。」
「回歸以後仲後生，對局勢仲有憧憬，心存盼望，相信董建華話齋中國好，香港好。」陳說回歸之初中國的政治氛圍相對開明，但梁振英上台是轉捩點，氣氛急轉直下。
813 當晚陳先生不過偕友在酒店食飯，順道往機場瞧瞧，恰巧碰上機場抗爭以來最嚴重衝突。彼時警車已在機場外面，一班警察欲入內營救被抓公安，但機場內雙方人數懸殊，在群眾的吶喊下敗走。
然而若干人堅持追擊，走出機場外架設路障，阻止警車逃離。「如果警車走唔到，佢地就一定要落車，所以我意識到一定要畀警察走。」陳不幸料中，警察終於落車放椒揮棍，抓了數人。
抗爭者不領情，批評他妨礙追撃。「我有我自己諗法，佢地有佢地諗法。我唔能夠 fulfil 佢地諗法，唯有俾佢地攞我隻眼。不過發泄喺警察身上佢地會打你，發泄喺我身上我唔會還手。」
陳是基督徒，對傘運時的分化深有感觸。面對「左膠」和「散水黨」的指控，決不做「分化撚」就是他的化解之道。
「咩叫不割席？不割席唔代表人地做你就要跟住做，而係你有你做，我有我做，依然可以互相尊重。」
筆者質疑當雙方都參與同一件事，但行動各異，衝突恐怕難免。陳解釋：「我行到所謂公安附近，同大家講我想俾佢走，大家當然鬧我。」
「我同佢地解釋，我唔係嚟反對你地，我係嚟保護你地，佢唔走警察就會入嚟。唔好硬碰，我地就可以玩多幾日，為嘅係將來可以做得更多。」
陳說群眾各有想法，但只要不割席，就可以溝通互相理解。「漫漫有啲人俾我感染到，明白處境危險，助力愈嚟愈多，佢（被抓公安）終於出到嚟。」
「我冇割席喎。我尊重你地諗法，同時佢地都可以尊重我嘅諗法。最後大家可以 compromise 到一個做法，兩者可以冇衝突。」
「政治嘅藝術就係 compromise。」陳擁有調解員證書，為了達成協議，爭議雙方都必須要放下一些定見。「協調唔係退讓或者懦弱，協調嘅前提係大家仲有 common goal。當時嘅 common goal 就係現場群眾嘅安全。經驗話畀我地聽冇差人嘅地方就安全，依個係好 sad 嘅講法，但無奈係事實。」
陳認為調解同樣適用於整場運動，必須致力找到共同目標以縮窄距離，而各方的共同目標就係為「香港好」。陳深知有心協調的人一定「兩面不討好」，正如他在機場的遭遇般。但只要懷抱真誠和善意，同路人會感受得到，一如在機場給他說服的民眾。
晚近林鄭迫於形勢宣布撤回，但溫和的陳振哲也不收貨。「問題唔止喺法案，仲有推動法案嘅手法同態度。政府一定要反省，成立獨立調查委員會，主要嘅高官要問責落台。」