在元朗恐襲中，大批白衣狂徒無差別攻擊市民，警隊明明事先收到風，都無加以制止；事後又被傳媒拍攝到懷疑放生這班恐怖分子。三萬警力就像撞邪一樣，用葉劉淑儀嘅講法，相信背後有個「隱形、非常精密嘅大佬」，可以善用WhatsApp 長輩圖、無線電話網絡、面對面交談等方法，令到警隊忘記自己本分，連槍都唔識拔，連黑社會都唔識捉，連巿民都唔識保護。
這個「非常犀利嘅大佬」，不單止有本事令警隊失魂，更有辦法令港澳辦選擇性失憶。昨天港澳辦開座談會，張曉明明言「香港正面臨回歸以來最嚴峻局面」，當前最急迫任務是「止暴制亂」。但如果真的要「止暴制亂」，為何白衣狂徒明目張膽地行兇，破壞社會安寧，嚇跑外國投資者，嚴重損害國際金融中心形象和中港經濟，公然挑戰一國兩制原則底線，中央卻坐視不管呢？這便很容易令人產生錯覺，以為中央有足夠多的辦法、足夠強大的力量對付示威者，但就沒有足夠膽量、實力鏟除那個「非常犀利嘅大佬」及其組織，最多只是捉一些卒仔返去交差。
到底這個「非常犀利嘅大佬」是誰，筆者並未掌握其資料，佢得到邉一個國家勢力的支持亦不清楚。要水落石出，警方好應該請那個和白衣狂徒握過手的議員回去接受調查。