轉貼一位住在中環工作在中環的網友的文章
..........................................................................................................
< 我, 不想見到你 >
家住中環. 好多大廈, 特別係近上環及樓齡廿年的, 都係商住兩用樓. 好多人認為商住樓多閒雜人等, 治安唔好. 但我屋企長時間連門都唔鎖, 就咁 bang 埋就算. 至於個扇公屋式鐵閘, 好似已經封塵... 而我大廈既看更, 更加用行動証明佢係完全唔驚有賊. 皆因每晚十點後回家, 佢早已呼呼入睡, 重要發出雷暴般既鼻塞... 有時懷疑... 佢其實係咪我業主...
看更乃印巴籍人士. 據我所知, 中上環不少樓宇是僱用印巴籍人士作看更 - 上環工聯會學野個頭有兩座, 皇后大道中 100 號的也是. 佢地好多能講純正廣東話. 不錯, 若你有睇高朋滿座 (我冇... 但睇過殘酷一叮), 你會發覺 喬寶寶 既廣東話, 其實講得好正 - 當然佢夾住d 英文/ 外語音, 但以咬字黎講, 佢講得好準, 肯定準過好多 中文 DJ 同 所謂歌手. 講野咬字準唔準係睇有冇心講好句野. 係重慶大廈見過許多土生土長的印巴籍人士, 講廣東話講得好正. 你唔望樣, 肯定唔知佢唔係中國人. 尤其是講x你老母, 頂你個肺, 仆街, 含家剷等字眼, 真係咬字 100 分準確. 可惜, 佢地過年係唔會俾利是...
家附近的 H&M 快要開幕. 上班時經過, 工人還在忙於趕工... 晚上經過, 圍板已拆掉. 香港人效率真係好高. 好大呀~~~ 看看 display,全部落地玻璃, 裏面好大呀. 那些女裝衫, 起碼要五呎七先著到 (儘管麥當娜身高只是 162 cm). 隔離既 "靚快 d" 肯定好快推出 "瘦身 + 增高" 超值減肥套票. 三日可以增高 5 cm (一年後高過姚明), 減去 8kg 肥肉, 並加送 H&M 十折優惠券, 推廣期內 $4999, 擦咭八折.
走過兩步, 石板街既漁米家, 係該位置兩年內的第三間食店. 只要佢唔再播高朋滿座... 同埋唔好俾D 伙記三五成群係度嬉戲, 應該可以繼續做. 伙記~~ 我份乾炒豬扒一丁點解咁濕既? 一食落去, 滿口都係油. 頂...
皇后大道中 100 號 (QC 100) 地下, 唯一的地舖俾 "A WORLD RETAIL CHAIN" 租左... 原來係東方錶行. 下? 仲有, 該商廈標榜 "Fortune 500 prefers QC100". 即係乜?
言歸正傳 (??? 乜上面都係廢話?).
睇報紙話市建局要重建中環.... 一睇 :
"潮流興保育古，市區重建局的中環卑利街/嘉咸街重建項目，有經營近八十年而陳設不變的「永和號雜貨店」，由於極具香港本土特色，本來傾向保留下來，不過，基於樓宇太陳舊，據悉，最後決定只會保留外牆，將來恍如澳門大三巴。
該店位於威靈頓街與嘉咸街交界，牆身是木造層架，陳列商品，絲苗白米不是超級市場膠袋裝，而是盛在大米缸內，按顧客要求量米出售。七十三歲的永和號老闆關釗說，物業樓齡逾百年，店鋪則近八十年歷史，父親與叔父於戰後經營，然後傳給他，絕大部分陳設都是當年開鋪時模樣，收銀櫃位的酸枝面，當年用來拋銀錢聽跌落面的聲音，分辨真假。永和號因古老而聞名，半島酒店數年前帶團來參觀，英國廣播公司(BBC)曾來拍攝，每天慕名來參觀拍照的德、法、日遊客不計其數，估計全年接待過千名遊客。
每天來幫襯的街坊也絡繹不絕，不過，難與超級市場競爭，盈利支付鋪租(一萬元)及其他開支，現在關家子女長大了，關伯不想退休沒事幹：「只要身體健康，就繼續玩(經營)落去。」中環卑利街/嘉咸街重建項目涉及三幅土地，佔地五萬八千一百方呎，重建範圍內兩條街有過百年歷史，遍布街市小販，是全港最古老市集之一。市建局有意保留市集活動，計畫在市集加建上蓋，以便重建工程進行期間，減少對檔販的影響。市建局並研究，可否讓檔販搬到其他地方經營，待工程完成後，返回原址經營。物業方面，市建局原擬只保留嘉咸街二十六A至二十六C的三幢戰前舊樓，翻新後作公眾用途。"
(轉載自星島日報)
唉... 我開始為那幾條街擔心, 更加為自己擔心. 皆因我就住係永和號對面, 仲要係 EXACTLY 對面. 嘉咸街同給志街既街市, 日日都有遊客影相. 個度係污糟係臭係不知所謂係多人係有老鼠係嘈係好貴, 但這才是街市嘛. 百佳惠康要搞乾淨搞衛生 (雖然佢地賣油魚. 雖然佢地冰雞當新鮮雞. 雖然佢地賣毒菜), 邊忽似街市? 唔講價, 唔污濁, 唔腥, 唔臭, 無膊頭撞膊頭, 無粗口爛舌, 無賣胡鬚阿叔邊煲煙邊劏魚邊講屌你老母, 唔知以為去左教堂或者圖書館... 但可以肯定, 人太多粗口爛舌地面容容爛爛太接近民居, 每一項係 townplanner 眼中都係死罪, 每一條都可以打十次靶.
另外一個殺人犯, 梗係商住兩用樓. townplanning 既概念係, 住人既地方旁邊唔好有商業用途, 因為兩者 incompatible. 我唔知呢d 概念係邊度走出黎, 估計係外國教科書, 但香港既經驗話俾你聽, 得豆腐潤咁大既地方, 要物盡其用, 一定要將d 野夾住黎做. 唔好話係旁邊, 以前d 人, 咪真係前店後居, 甚至乎係做野又係個度, 訓覺又係個度.
唉, 講返對面間永和號. 永和號旁邊係南華油墨店, 賣紙賣墨. 邊有人買墨? 小學生都好似唔使練九宮間. 而且個個一部電腦, 連執筆寫字既人都少咧. 當然識寫字既人更少. 重申, 出書都唔代表識字, 下? 你唔會以為鄧麗欣同周汶淇識字呀嘛. 再旁邊係燒味店, 對面新烱記係 2007年1月1 日開始生意超好. 皆因佢有幾個位係坐出門口, 可以狂煲煙. 再行落d 既盛記/ 陳泗大牌檔, 又係 2007 年1月1日後超好生意. 個度幾乎成為中環既煙民聖地.
一搞重建, 唔好講咁多, 肯定叫班人走. 不是嘛? 重建大塵, 繼續開舖影響健康. 再者, 一大興土木, 沙塵滾滾邊有人會去個頭買野? 然後每日八點轟隆轟隆, 地盤工人無事例必大呼小叫, 肯定嘈撚住我訓覺; 然後趕撚走d 人, 將佢地放到去有蓋極乾淨既地方, 原本個度就放d 唔知乜野商號入去. 名為搞地區經濟, 創造就業機會; 實為大興土木, 大費周章, 無事扮事做. 開檔d 人連蘭芳園九記牛腩都唔知就叫本土經濟? 咪撚吹牛, 倒不如改名叫屎土經濟咧.
跟住永和號, 最後其肉體尚在, 但精神同靈魂長埋黃土, 只餘空洞洞既軀殼係度, 俾你班遊客參拜同哭喪... 情形就好似嫖妓咁, 條女死魚訓係床度, 下面似黃河, 無反應唔呻吟無水出, 你似同條乾屍做. 大佬, 陳法拉都係咁話咧. 難為d 人仲成日話個度吸引到嫖客...
萬一搞得好... 雖然我睇機會微乎其微 - 有乜野地方係市建局有份而真係搞旺個區? 咪淨係得個朗豪坊. 灣仔俾佢搞到不似人形, 荃灣河背街寶石樓係二等貨 (我好細個個陣住河背街) - 淨係搞商業買賣都搞唔掂, 仲叫佢撈埋保育? 仲係飛機都未打過既青頭仔想學人玩毒龍鑙? 個小爱連加數都唔合格, 你叫佢學微積分? 結果肯定由考第尾變俾人踢出校咧 - 帶旺到個區, d 租肯定升.
屌, 重建保育失敗倒不大在意, 橫豎有千千萬萬既納稅人一齊承擔後果. 萬一租成功加落我身上, 這才是最不想見到的結果.
叮! 終於知道點解領匯下面d 租客要示威咧. 火唔燒到後爛, 點會知痛?
仆街, 你死X開拉, 離我越遠越好.
我唔X想見到你呀, 市建局.
..........................................................................................................................................
原文 : http://www.xanga.com/relgitsjg/575222960/item.html
原作者的blog : http://www.xanga.com/relgitsjg