【獨媒報導】「完善」後的區議會選舉將於12月10日舉行，民主黨主席羅健熙曾透露有黨員有意參選。前全國政協委員劉夢熊在一網台節目表明支持民主黨參選，指雖然在新選舉制度後最多只可拿下兩成直選議席，但他認為不應著眼席位，因民主黨背負港人期盼，應在過程中「將民主黨嘅正確主張，反映到民心民意民氣嘅嘢，去加以宣傳同埋堅持」。
劉夢熊：本身唔好點講好香港故事？
前民主黨主席劉慧卿周三（9日）邀請前全國政協委員劉夢熊，參與其網台節目「ChatDP」，討論一國兩制下的香港。劉夢熊開門見山指，香港近年正「內地化」，「向一國一制蛻變，變為內地嘅普通城市」，認為一國兩制已「變形走樣」，亦令香港不再有國際金融中心的地位。
行政長官李家超在任一年間常說要「講好香港故事」，但劉夢熊就認為「本身你做得唔好，做衰咗，咁你點會講好呢？」他續以8個指標剖析香港現時狀況，指言論、新聞、出版自由和過往相去甚遠；法治精神上，選47人在未定罪前已被關押兩年，與《基本法》承諾的無罪推定背道而馳；移民潮則證明香港留不住人心，「人對香港嘅信心係一路墜落緊」。
他續指，在經濟上香港國際金融中心地位已被新加坡取代，本地出口數字連續一年下跌，是70年以來「最慘淡嘅數字」、香港赤鱲角機場的地位年年下跌，國際航線被大斬逾半、香港股市浮浮沉沉，反問「咁個故事係做好咗定做衰咗？大家有目共睹啦」。
撐民主黨參選區會發出呼聲：勝算已非主要追求
「完善」後的區議會直選議席大減，只有88席，其餘176席由政府委任的分區委員會、地區撲滅罪行委員會及地區消防安全委員以全票制方式選出。對於民主黨是否應派員參選區議會，劉夢熊坦言：「有百分之一嘅機會，都要努力將佢變成百分之一百嘅現實。」他稱參選不應著眼於席位多少，而是在過程中「發出呼聲」，「將民主黨嘅正確主張，反映到民心民意民氣嘅嘢，去加以宣傳同埋堅持」。他亦提到，去屆選舉民主派取下近六成選票，證明市民對民主派有期盼。
劉慧卿笑言：「（參選）應該就唔會俾人話軟對抗嘅。」劉夢熊打斷她稱：「參選點樣軟對抗呢？」劉慧卿則反駁：「你見唔見到宜家有件案審緊？嗰啲唔係真係選，係初選都拉晒呀！」
被問及對民主黨參選的勝算，劉夢熊則指，民主黨即使參選最多亦只可拿下兩成直選議席，「2019年11月嗰陣時，泛民主派攞到87%嘅席位，唔會再有嗰支歌仔唱」，強調勝算已非主要追求。
稱要港人開心須回到一國兩制初衷
政府近年多次表示仍有「軟對抗」不時發生，劉夢熊認為必須確保一國兩制，「一國兩制係香港、中央及國際可接受的最大公約數」。他強調要港人開心只能回到一國兩制初衷，「完整執行《基本法》，唔好閹割」。
他又談到，國際會留意香港一國兩制的實踐狀況，例如2019年的社會事件就影響台灣大選，亦影響了世界審視中國履行國際條約的誠意。他更透露自己早前收到一建制派元老人士致電，表達擔憂指「宜家咁搞真係太過咗」，但他認為港人不需太悲觀，相信「物極必反、否極泰來」。