屯敘記者：阿聰
2017年，基匯資本以230 億元高價向領展購入 17 個公屋及居屋商場後，便持續進行形象改造工程。基匯資本強調自己著重小店生存空間、保留社區特色及香港情懷，而一些翻新後的球場、商場或街市甚至有獨特主題，似有意告訴社會大眾它的管理方式跟領展的區別。然而，這些所謂的社區商場，對小店及基層而言又是另一種挑戰。
童話Crossover街市，是創意還是多餘？
友愛街市是當年基匯資本以50億向領展購入的物業。基匯資本在本年3月收回所有店鋪後，在經過一輪裝修，於6月22日正式以全新面貌示人。裝修後的街市注入了「童話」元素，不論是外觀、內部的裝修擺設，以至於音樂的播放選擇，都予人奇幻、童稚及天真的想像。
然而，街市用途始終為實用。對普羅大眾而言，貨品「平、靚、正」才是衡量街市好壞的準則。另一方面，若從理念討論之，街市本來就是一個殺生之地，利用童話那和諧美好的元素注入一個每天都出現殺生行為的空間，又會否顯得格格不入﹖《屯敘》希望透過本文，跟屯門街坊一同了解友愛街市在經營一個月後的發展。
商鋪空間觀察：舒服咗、光猛咗、人多咗
友愛街市分成「食肆」及「街市」兩部分。由於基匯資本在改建時收窄了行人通道，也將本來呈不規則形狀的鋪位改建成長方形，故各鋪位空間較寬敞，顧客在進內購物時也較舒適，店鋪內的光線也很充足。另外，香港從來沒有以童話作主題的街市，因此友愛街市在坊間惹來一陣熱話後也吸引了很多顧客前來「打卡」，人流增加了不少。然而，在一片正面的評價聲中，友愛街市仍存在各個使人憂慮的地方。
友愛街市裝修後可見環境「光猛」了不少
水族店阿叔：音樂嘈到暈 最好唔好播
經營多年的水族店商戶李先生說：「裝修後人流多咗，光猛咗，不過最好唔好播嘢同開咪，因為好嘈，唔係淨係我講㗎，我嘅客都話嘈到好暈。」李先生所指的「播嘢」，是管理公司為配合童話主題而播放的音樂；「開咪」則是指街市管理就商店優惠所作出的廣播。另一位經營了三十多年的香燭衣紙店老闆亦向記者反映以上問題：「客人嚟我地度除咗買野，仲會傾計同溝通，開咪廣播我可以接受，但播音樂就可免則免。」
水族店商戶李先生
香燭鋪老細：為咗三十年感情留低！
問到租金的變化，水族店李先生說：「鋪細咗但租貴咗，以前萬零蚊就可以租到比而家大多半個鋪位嘅空間，而家萬三四蚊都冇咁大﹗」香燭鋪老闆表示：「租金係貴咗，但我冇咩意見。如果仲係可以接受咗，我地都會留低。街坊鍾意黎嚟到有傾有講，對我哋有信心，有咩唔明都可以問，講到攰又可以坐下，留低係想為街坊服務。」
區議員憂慮：排除最基層人士黎買餸 促設公營街市
友愛童話街市開幕後首周，當區區議員已即時跟街市管理組織進行溝通。屯門區議員林明恩（友愛北）指，管理單位十分樂意溝通，似乎銳意跟社會大眾建立良好關係。不過，他認為街市的經營模式有其隱憂：「今次基匯資本接替領展，只係一個大商家換另外一個大商家去管理街市。雖然而家保留咗十幾間小店係喺裡面，但當初呢個街市係用50億高價買返嚟，透過加租去圍本同埋賺錢，似乎係可預知嘅事！究竟小店頂唔頂得住？我地都係持觀望態度。」
他又指：「街市的消費對象係一批稍有消費力的年青家庭，絕對唔係嗰啲靠拎生果金同綜緩嘅無業者，佢地變相就要坐車去另一區買餸﹗作為區議員要做嘅除咗係同基匯資本溝通外，就係繼續敦促政府重開公營街市，又唔係冇錢，點解唔做？」換句話說，新街市對最基層人士來說是方便，還是更不便﹖是童話的開始，還是惡夢的開端？還有待時間證實。