三十載老店不介意租貴 為人情味留守街市
領展於2018年把山景街市售予基匯資本。經多個月的裝修工程後，山景街市終於在本年1月重開。山景邨屬屯門區八十年代的舊式屋邨，其大廈及商店都較老舊；很多設施亦早已失修。正因如此，當街市以歐洲鐵路的全新面貌示人，坐落於屋邨的中心位置，受四面舊地包圍之時，就予人獨異及不諧協的感覺。
小食店老闆：預左租金唔低 食得鹹魚抵得喝
除走鐵路風外，山景街市另一別具特色的地方是食街的規劃。食街內提供不同種類的美食，如泰式炒粉炒飯、西式豬手、港式車仔麵、兩餸飯、漢堡、燒味等等，種類繁多。傍晚時分，食街內響起廣播聲，兩邊的小店員工為準備食品而忙得不可開交。通道內有人潮但空間尚算流通，年青學生放學後三五成群駐足該處買小吃，長者在兩餸飯店外「排長龍」，購買廉價飯菜作晚飯。
兩餸飯店斜對面有一間經營西式燒物的食店，食物如燒豬手、燒雞等，對部分山景居民，特別是長者而言都比較新穎。記者問到老闆一個月來的生意狀況，他坦言生意未有預期般理想：「可能同商場整體宣傳及疫情有關，我哋之後會做多點promotion，希望有改善。」雖然售買的是新派食物，但老闆未有因此憂慮街坊不前來光顧：「我們一直很重視食品質素，相信街坊會接受。」旁邊售賣地道小吃的食店老闆則指：「我們主要做串燒，前來光顧的客人都較年青。暫時生意不過不失，不過只係過左一個月，我覺得要長線睇。」提到租金問題，老闆又指：「講真，租得大機構，預左租金唔會低，要食得鹹魚抵得渴，可以接受嘅﹗」
年紀大但唔想靠人 舊街市店主堅決留守山景
穿過筆直的食街，映入眼簾的是一個以賣濕貨及生食為主的空間。此地的兩端則主要售賣日用品，當中不乏一些從昔日街市走過來的舊店，有熟悉的容貌與聲音，其中一間是於山景經營了三十多年的琪欣百貨。琪欣百貨主要售賣內衣褲、手套、洋毛衣等貨品，其替客人改衣、打皮帶窿的服務使人聯想到舊香港的面貌。記者問及老闆娘搬了新鋪後的各方面有何變化時，她坦言：「租金貴，但鋪細左就預料之內。不過好難講，都有好有唔好嘅，好似以前唔係住劏房但好焗，而家住劏房但有冷氣舒服左好多咁﹗」雖然租金上調，但她仍堅持留低。她說：「我喺度做左三十年，最唔捨得班街坊，唔做呢度有咩客又會買野又會陪我傾計過日晨﹖」她又說：「自己知自己事，我呢個年紀，又冇文化，出到去可以做咩﹖喺呢度唔同，搵幾多做幾多我可以自己控制，唔使靠人靠仔女。租金貴唔貴我冇咩理，我淨係做返自己，將心比己囉﹗」
議員：希望喺街市同居民之間做好協調的角色
當區區議員黃丹晴（山景）指，新街市無論在選擇上及設施配備上都比舊街市好得多，因此街坊普遍對新街市都抱正面觀感。不過，住在附近的街坊亦曾向他投訴街市的散熱裝置「好嘈」，以及食街煮食的油煙「會吹向民居」，希望管理者可留意以上問題。
記者問及跟基匯資本的溝通情況，黃丹晴說：「比較以前嘅街市，作為業主嘅領展唔願意同社區協調，交流近乎『零』。而家基匯資本比較容易溝通，至少唔牽涉到錢嘅時候，都有得傾。」黃丹晴表示日後會多落街市，跟街坊及店主進行溝通，務求做好監察及協調的工作。
