立即捐款

遵義快訊﹕中大新任校董逐個捉﹗(+第3期目錄)

遵義快訊﹕中大新任校董逐個捉﹗(+第3期目錄)
廣告

廣告

本期目錄如下﹕
校長等接蕉!新任校董逐個捉
阿野﹕喂校長,真係無野好傾﹖大學校長的格說起
校方致《學生報》告信極惡重溫 劉遵義﹕「小事」
遵義短打﹕潮玩iPhone,唔識「高清」?
中大校友關注組﹕就中大學生報情色版司法覆核判決聲明

***

話說根據《香港中文大學條例》,中大校董會設有三名立法會議員代表,監察大學的運作。第二屆的立法會議員代表為張文光、鄺志堅及田北俊。今屆經泛民及建制派協調後,決定由民建聯的陳克勤、自由黨的張宇人及社會民主連線的黃毓民接任。

一睇呢個名單,大家可能又驚又喜。毓民網上人氣爆燈,大家都睇佢點樣响議會搞事;陳克勤乃中大政政系畢業,一句「try my best」震驚全城;張宇人大家則可能唔係咁熟。一眾「熱心」校友,即時在各報章撰文評論,有云毓民咁嘅人都入到,影衰中大,驚佢响校董會「擲蕉」,又指陳克勤一句英文都講唔掂,有負中大所托。

其實又有乜好驚?擲隻蕉埋嚟,夠幽默感嘅咪食咗佢囉。唔通你真係驚一隻蕉會整衰成間中大?至於克勤仔,佢英文唔好又點喎,呢d批評有d「我中文唔係咁好唔好意思」的味道——即係話班殖民地殘民,英文好就有上等華人的優越感,而不以中文唔好為恥。校董會好多英文文件,咪搵人幫手翻譯囉。

依家校董會似俾面派對,大家圍威喂,監察校政上力度不足,佢哋梗係驚毓民啦。而且經過咁樣嘈一嘈,將來記者實對中大事務加倍留意。未來劉校長真係要醒醒定定,唔好再搞d大獲野出嚟。

三位新任校董議員﹕
張宇人議員,SBS,JP
功能界別 - 飲食界
所屬政黨﹕自由黨
戰鬥力﹕10%
與中大關係﹕﹖﹖﹖

陳克勤議員
地方選區 - 新界東
學歷 :*香港中文大學社會科學(榮譽)學士
*香港中文大學社會科學碩士
所屬政黨﹕民建聯戰鬥力﹕20%
與中大關係﹕出身政政系,選區又處新界東,之前區議會選區在馬鞍山,有地區個案都可以搵克勤仔 。

黃毓民議員
地方選區 - 九龍西
所屬政黨 :社會民主連線
學歷 :*珠海學院歷史研究所碩士
戰鬥力﹕90%
與中大關係﹕曾任珠海新聞系系主任,任教十多年,對專上院校運作有認識,最緊要夠大聲及夠pop。網上有個平台叫myradio,响上面講中大d野嘅話隨時有成幾千人聽。

部份頁面﹕

廣告