立即捐款

Momay

我係熱愛足球嘅油漆佬。 網誌

體育

印尼傳統打吡閉門作賽?

廣告

廣告

6月22日,對於香港人黎講呢個係一個平凡嘅日子,要返工嘅返工,放緊假嘅放假,失業嘅失業,但對於印尼人黎講,呢日可能係比較特別嘅一日,因為,印尼超級足球聯賽上演觸目大戰!西班牙足球大戰有皇馬對巴塞,香港足球大戰有南華對傑志,咁印尼,都有 Persija vs Persib ,即係雅加達 vs 萬隆。

Persija Jakarta,佩西查雅加達,根據地位於雅加達,Persib Bandung,佩西畢萬隆,根據地位於萬隆,呢場對戰可稱為『西爪哇打吡』或『印尼傳統打吡』,係印尼超級足球聯賽嘅盛事,雖然現時佩西畢喺聯賽嘅位置同佩西查有啲距離,但傳統打吡依然有吸引力,所以今個星期瀏覽咗近10個印尼足球新聞網站,每天新聞都係以呢場印尼傳統打吡為主。呢場印尼傳統打吡吸引嘅唔止係印尼聯賽迷,喺印尼唔少唔睇足球嘅人都會關注事件,可見其影響力,而喺網上,唔少平時唔睇印尼超級足球聯賽嘅外地球迷都會揾link睇呢場,因為始終叫做印尼傳統打吡,朝吓聖都要!而 momaydog 早年都曾經喺香港某討論區圖文並茂介紹呢場有特色之印尼傳統打吡,當然Topic 一開即深沉海底,不過今年有啲唔同,因為港腳林學曦下半季加盟咗佩西查。

呢場傳統打吡有一樣嘢好令外界關注,就係流氓問題及安全問題,上年有球迷係呢場傳統打吡內被打死,呢兩支球隊嘅球迷關係麻麻,喺呢啲重要日子流氓活躍問題就更嚴重,因此呢幾日如果有留意佩西查 facebook 嘅朋友一定知道雅加達警方可能因保安問題而將呢場印尼傳統打吡戰改為閉門進行,上年5萬人入場嘅境況可能不在,球迷有波冇得入場睇。

tribunnews.com 今午發報新聞指,引述佩西查官方 Twitter賬戶@ 『 Persija_Jkt』 指,當天比賽沒有觀眾,因為警方並未允許球迷入場。佩西查球迷 『Jakmania』 與佩西畢球迷 『Bobotoh』 之間仇恨多,多年來2批球迷打大交導致多人死傷,正因如此雅加達警方有必要閉門確保球迷人生安全。但閉門並不可避免傷亡事件發生,足球流氓無處不在,基本上難以消滅,但閉門可能是最好的方法。

其實,印尼唔係所有球迷都係流氓,有啲球迷行為係比較激,但都係以球隊打氣為先,有啲球迷都係反暴力,有啲 ultras 經常被混淆成 hooligan ,令到 ultras 被架上有色眼鏡,就好似南華球迷大把理智派,並非所有都係橫行霸道的,現時就閉門與否嘅事件仍然討論中,有冇彎轉?欲知後事如何,請自行追看新聞。

佩西畢暫列第4,現時奪冠機會渺茫,今年佩西畢成為東南亞最有錢嘅球隊,但有錢並非大晒,佩西畢大花資金購買多名好波之人,但仍未能奪冠。咁 Persib Bandung 佩西畢萬隆又有咩值得留意嘅球員?

中場球員Mbida Messi(美斯)來自喀麥隆,係佩西畢嘅中場發動機,雖然呢個美斯並非個位美斯,但已成球隊必然正選。中堅 Abanda Herman(希文)來自喀麥隆,係佩西畢嘅後防鐵壁,身高192cm,由於曾經效力過佩西查4年,所以每當一作客都受盡球迷『招呼』。

前鋒足立原健二來自日本,喺印尼生涯5年間射入50球,今季先加盟佩西畢,射術唔錯嘅日本前鋒。前鋒 Sergio van Dijk(沙治奧雲迪克)係印荷混血兒,前澳職聯射手,今年先入籍印尼。其他值得留意嘅球員: Hilton Moreira、Muhammad Ridwan、Firman Utina、Atep Rizal、Supardi Nasir、I Made Wirawan。

2012年 佩西查 vs 佩西畢
http://www.youtube.com/watch?v=OfiNWn-_kHM

2013年佩西畢 vs 佩西查
http://www.youtube.com/watch?v=MYGOkguU0aQ

廣告