體育

概談印尼足球簡史

廣告

廣告


題為編輯所加

印尼現時有1,000萬華人,講到體育運動,多年來都有華人參與及代表印尼出戰,華人羽毛球手最多,足球亦有,等我引用返「可能是現今印尼球壇唯一土生華裔職業足球員 - 阿古斯」其中一段:『談到現今印尼體育強項非羽毛球莫屬,但說到最令民眾狂熱的運動是足球,現時印尼足球在亞洲不屬列強份子,儘管如此在多年前印尼曾經是亞洲足球強國之一,1938年曾以荷屬東印度身份成為亞洲首支打入世界盃決賽週的代表,當中印尼華裔出錢出力功不可抹。50年前的奧運會中印尼曾迫和強敵蘇聯令球迷津津樂道,當時的印尼國家足球隊有不少華人助陣包括陳隆浩、郭傑實、張興昌及彭英賢,雖然在復賽中不敵蘇聯出局令人惋息,但華裔們對印尼足球的貢獻有目共睹。

早於明朝時期已有廣東、海南、福建人南遷往婆羅洲、蘇門答臘、爪哇島、蘇拉威西一帶居住,直到清朝晚期在現大規模南遷潮,清政府的腐敗加上中國被西方列強入侵,飽受戰火摧殘下人民生活艱苦,不少南方人忍痛離開祖根之地遠征南洋一帶落地生根。1900年當印尼還是由荷蘭人管治時華人已先後成立了無數體育組織,1905年12月15日成立了「中華運動會」,在後期增加了足球活動發展專案,1912年2月20日在西爪哇雅加達成立了「巴城華人足球隊」,向有潛質者提供訓練及援助,在東爪哇的泗水仍有華人成立類似的足球隊為印尼足球揭開歷史一頁,在此培養成才的著名華人球員包括戴顯龍、朋英賢、彭興隆等,而該支泗水足球隊在1927年演變成較有規模的球會改稱為Persebaya Surabaya(蘇亞巴亞泗水)。』

比較出名嘅印尼華人球員有Liem Sun Yu,前印尼國家隊球員及教練,司職中堅,被公認為印尼足球史上其中一位偉大教練,2006年10月獲得終身成就獎,1974年帶領印尼友賽擊敗烏拉圭,球員生涯效力過佩斯查。

而印尼足球史上第一位出外踢波嘅球員亦都係華人,名叫Surya Lesmana,司職防守中場中文名''隋亮'',球員生涯效力過佩斯查,1974年去過香港加盟Mac Kinan,當時佢一個月成2,000港元,喺當年算係高薪 。

現時呢?錦石聯嘅隊長,綽號「日本人」嘅Agus Indra Kurniawan,雖叫「日本人」,但其實係有純正血統嘅華人,效力佩利達嘅中堅Nova Arianto、效力PSS Sleman嘅Juan Revi、效力Persema嘅Kim Jeffrey都有華人血統,Irvin Museng、Febryanto Wijaya、Luxi Ariawan呢啲年青球員都擁有純正華人血統,最近入選印尼國家隊集訓名單嘅Rivki Mokodompit亦有華人血統,效力西維爾B隊嘅Arthur Irawan亦擁有純正華人血統下,Persebaya Surabaya教練Tony Ho又係華人。純正華人嘅足球員現今可能好少但混有華人血統嘅其實可能好多,不過印尼大部分華人/有華人血統嘅足球員都係起印尼名,要搜尋好困難,從外表上好難分別,有啲球員外貌生得似中/日/韓人,但原來只係婆羅洲嘅原住民。

廣告