立即捐款

Momay

我係熱愛足球嘅油漆佬。 網誌

體育

唔該足總加返球員號碼!

廣告

廣告

今日丙組其中一場比賽係九龍城對油尖旺,喺九龍仔運動場舉行。上季丁組冠軍油尖旺今屆係繼天旭後又一丙組熱門,當然要睇睇咩事。睇咗半場大埔嘅比賽之後,趕到去九龍仔仿真草嘅時候已經3點幾,一去到仲可以睇到天旭對荃灣,陳家興、陳耀麟、劉子亮、羅倫士等真係星光點點,睇咗一陣就去咗隔離嘅九龍仔運動場,龍城康體對升班馬光華,未行入去就聽到:

「攻呀!咪撚屌住呀!」

好熱血呀屌你!上到看台已經完場,打聽下先知光華輸1比2,相信呢句都係佢地嘅球員爆出黎。輸波後當然要賽後檢討,於是乎成班球員坐晒喺到傾返場波嘅不足,史提芬都有發言鼓勵球員下次在黎過,喂!雖然只係業餘,但係應該就好似光華佢地咁,大家互相檢討自己嘅不足有唔明就問,大家一齊講出黎分享,大家溝通多啲,咁先係一隊波!唉!見到佢地上下一心,呢個時候就諗起以前自己有份踢個隊丙甲球隊XX,屌啦星輸咗只係識你屌我屌你,佢話你廢你話佢廢,你賴我我賴你,冇到場嘅都賴埋,一盤散沙,最後咪消失埋囉。

講返九龍城對油尖旺,九龍城著紫衫,油尖旺著白衫黑褲,2隊起初中場混戰多,要到12分鐘先有第一腳射門,到18分鐘,油尖旺角球開出,九龍城球員手球,油尖旺12碼先開紀錄1比0,之後油尖旺佔主動,但九龍城頑強之防守唔係講笑,終於喺39分鐘憑油尖旺守衛戴球失誤,九龍城球員單刀射入追成平手,半場1比1。

天公不做美,半場大雨,跑道上嘅市民都湧晒上看台搞到有個錯覺好多人呀!下半場油尖旺控制全場,上屆丁組射手潘嘉煒喺邊路玩晒,九龍城後面正式崩潰,9分鐘潘嘉煒邊路地波橫傳俾球員接應在射入成2比1,看台上除咗2隊球員同家屬,可能只有一名傻子真心睇緊場波,所以避雨嘅市民只係避雨,場波咩組別WFC,一停雨又繼續跑步。25分鐘又係潘嘉煒喺邊路玩,今次傳中俾禁區內守候嘅隊友,隊友球不著地窩利抽射死角破網,靚波,3比1!34分鐘,油尖旺在下一成,娥眉月位置抽射直飛死角成4比1!34分鐘油尖旺嘅陳家俊(應該係)上埋去助攻傳中俾隊友在喺禁區射地波成5比1完場。

其實丙丁組嘅比賽不能強求什麼,呢場都冇咩可以補充。今年HKFA.com甲組賽後統計有賽事統計,值得讚,但係希望HKFA加返低組別陣容嘅球員號碼,因為唔係所有球員都係一般球迷認得,有時有埋號碼,認人都易啲。

廣告