立即捐款

Momay

我係熱愛足球嘅油漆佬。 網誌

體育

印尼佩斯查球迷只有暴力?

印尼佩斯查球迷只有暴力?
廣告

廣告

2010年5月,印尼超聯上演觸目大戰,由雅加達足球隊『佩斯查』(Persija)主場對東爪哇瑪琅足球隊『阿雷馬』(Arema),呢場大戰吸引咗好多球迷嘅目光,有2萬名阿雷馬球迷坐一日車去到雅加達支持阿雷馬,而主隊佩斯查都有4萬名球迷入場,加埋中立球迷,卡諾運動場當日非常熱鬧,有8萬5千人走入場內一睹大戰。


佩斯查與阿雷馬球迷過去嘅關係良好,但球迷當中亦有思想較偏激嘅,喺佩斯查對阿雷馬大戰上演前,印尼警察截停一架使向卡諾運動場嘅巴士檢查,呢架巴士載上嘅都係佩斯查嘅球迷,警察喺巴士內揾到各式各樣嘅武器,有削尖頭部嘅遮、削尖頭部嘅竹支、開山刀、爪哇刀、西瓜刀、斧頭、木棒、改良後可做武器嘅皮帶、用單車齒輪改良而成嘅血滴子等等,車內多名佩斯查球迷立刻逃亡,多人被捕,印尼警察相信呢班思想偏激嘅佩斯查球迷準備犯案。

而喺卡諾運動場外,有警察搜查到有佩斯查球迷背包內有汽油彈、短刀,以上事件發生後,全印尼又喺到討論如何消滅球迷暴力,但警察搜查到咁多武器後,好多人並冇因此大驚,全因印尼球迷界發生過太多暴力事件,包括雅加達足球隊佩斯查球迷在內,球迷暴力衝突死傷年年有,有啲人甚至對呢啲事感到麻木了。


佩斯查球迷的而且係有搞事,係有造成過死傷暴力,但佩斯查球迷當中有好多其實係主張非暴力,以支持足球隊(佩斯查)為先,佢地本身都係熱愛和平,搞事嘅其實只係部分球迷,並唔係所有。但係,好多人總愛以偏概全,認為所有佩斯查球迷都係如此暴力、如此殘酷、如此野蠻,因為大部分人將某啲事無限放大,令到本身全心為球隊打氣不滋事個大部分佩斯查球迷亦被所謂主流嘅人拖落水,變成『暴民』、『蠻民』、『生番』。

其實真係好唔公平,有啲佩斯查球迷為咗支持球隊,鋪頭有生意唔做,情願收鋪,為嘅就係入場睇自己支持嘅球隊,有啲佩斯查球迷冇咩錢,用其他方法去棉蘭,用咗6日終於到咗棉蘭,連住酒店錢都冇要訓街,只為入場睇佩斯查作客嘅比賽,但呢啲本應受讚賞嘅熱血行為往往不及球迷暴力、死傷等新聞搶眼。

廣告