﹙2015.5.24﹚
義工在過去4日接觸了幾百位工友，工時，工資和工作情況都已掌握，但有一項，可說問十次錯九次！就是年齡。他們聲如洪鐘，但佝僂的背，滿頭花白，你估65，佢話71，你話70佢話78…
因為義工年輕，都無法從外貌評估歲月留㾗。另一個令大家更O咀的是，當大家邀約他們放工再傾，或者問平日放工有何活動時，竟然有差不多三分一人斷然拒絕：唔得閒呀！有第二份工要返呀！
吓？！你早班7點開工到而家下午5點收工，仲有第二份工？又或，嘩！你朝早開完另一份工，而家返這份夜班清潔，要到11點收工喎！
義工們的嘩嘩叫，工友都只是苦笑。「唔夠使呀！」短短數字，已經字字鏗鏘地訴說最低工資的不足。
提到兩份工，工友唔多願講，唯一關心的是兩份不同地方的清潔工作都是莊臣名下，被莊臣壟斷的清潔工作，可能令工友得不到遣散費！
工潮進行中，星期一和星期二是紅織工友的關鍵，女工會希望召集更多義工一起落區，支援工友，捍衛工人權益！
