哈薩克足協脫亞入歐後，國家隊起用愈來愈多前蘇聯時期由西部移民定居到來之俄羅斯族、烏克蘭族、白俄羅斯族球員，如果單從表面而睇，哈薩克國家隊同其他歐洲國家隊無異，比同樣來自中亞嘅烏玆別克國家隊更「俄化」，球員大部分係金髮、白皮膚、藍眼珠，身材高大，講嘅係俄語，對於甚少留意歐洲三四流足球嘅球迷而言，可能會將哈薩克國家隊搞錯成其他歐洲國家隊都不足為奇。
雖然脫離蘇聯獨立，但哈薩克依然十分重「俄味」，哈薩克影視圈、樂壇都有唔少俄、烏、白三族演員歌手，電影電視制作拍攝手法與俄羅斯相似，流行音樂受俄羅斯影響都好「俄」。
俄羅斯族並非哈薩克內人數最多之民族，但俄語影響力不比哈薩克語低甚至更普遍，而哈薩克人數最多之民族係哈薩克族，哈薩克族外表及身型近似蒙古人種，都係黃皮膚，末脫亞時哈薩克國家隊有唔少黃皮膚面孔，不過入歐後有一段時間哈薩克族球員經常落選哈薩克國家隊，正選11人中可能有 10 -9 位俄羅斯族球員，哈薩克族球員可能只有 1 - 2 位甚至0，主要原因並非哈薩克足協如中國足協般玩膚色歧視，係近似蒙古人種嘅哈薩克族球員體格普遍不如俄羅斯族、烏克蘭族、白俄羅斯族球員，出到去有啲輸蝕，慢慢地，黃皮膚球員就減少出現於國家隊中。
這又是否膚色歧視？
雖然哈薩克族球員體格受DNA限制，但佢地嘅球技、體能並唔會差過俄、烏、白三族球員，既然起用三族球員都係輸多羸少，倒不如畀多少些少機會其他民族(比如烏茲別克族)嘅球員，所以近年哈薩克國家隊有點變化，愈黎愈多黃皮膚球員入選，比如今個月12號作客土耳其，我地可以見到新星Toktar Zhangylyshbay(張利斯拜亞)、Timur Dosmagambetov(高尼斯巴夫)、Askhat Tagybergen(塔基帕根)等哈族球員，另外今年友賽大炒吉爾吉斯7比1之正選陣容起用大量哈族球員，外觀第一個感覺就以為哈薩克國家隊係一支東亞球隊。
俄、烏、白三族球員嘅良好體格在配上哈族球員之球技，這就是哈薩克，一個多族共存嘅中亞國家，不論來自什麼種族，身上是什麼膚色，信奉什麼宗教，母語係哈薩克語定俄語，生在哈薩克，就係哈薩克人，什麼有層次得要提防，真係層佢老鹵。
假若一個多族共存嘅國家於民生施政上偏幫某個民族，咁就會好易造成社會撕裝，聞說哈薩克係世上其中一個平等國家，我睇電視直播哈薩克主場賽事都經常見看台上黃白皮膚球迷總是不分你我打成一片，我唔知真偽，但最少於哈薩克國家隊內睇唔見，只要好波又係哈薩克居民就有資格入選，這就是真正的平等。