體育

【假波】巴西球員返國做行動組被捕

廣告
【假波】巴西球員返國做行動組被捕

廣告

巴西警方前日破獲一個主要賄賂巴西低組別聯賽職球員打假波嘅集團,拉咗兩個主腦,分別係一個里約人及一個前職業足球員,職球員經游說後賽果會被預先設定,''巴西行動組''賽前會畀料東南亞及中國等大佬集團,然後再做嘢搵錢。

其中一位生於巴西嘅前職業足球員叫做Márcio Souza(蘇沙),今年36歲,司職前鋒,佢喺印尼踢過八年波,可以講到一口流利印尼話,如果近十年有留意印尼足球嘅球迷相信會認得佢,效力過Persela Lamongan(佩西拉)、Semen Padang(巴東)、Persib Bandung(萬隆)、Terengganu FA(丁加奴)等印尼及馬來西亞著名球隊,因為有良好嘅腳法及射得一腳好罰球而成功喺印尼球壇立足,我記得當年佢效力中下游球隊佩西拉時經常一個救冚家,即使轉投Arema(阿雷馬)時高峰期過咗但都交到功課,雖然唔係啲咩偉大球員,但最少佢嘅技術令部分印尼球迷對佢留下深刻印象。

由於拎唔到印尼護照,轉投馬來西亞丁加奴隊踢咗半季後,蘇沙就決定收山返國,做乜就冇人知,係最近呢單料爆出蘇沙先畀印尼球圈人士及球迷重新關注,大家都覺得一個咁好嘅球員要做呢啲唔見得光嘅嘢好可悲。不過蘇沙只係前線員工,拉到嘅永遠都唔係大佬,咁咪仲可悲。同埋呢類冇直播冇片嘅低組別聯賽好難有證據做嘢,但唔好以為巴西先有,可能全世界都有,分分鐘呢度都有。

廣告