立即捐款

Momay

我係熱愛足球嘅油漆佬。 網誌

體育

2017年亞協盃外圍賽最神祕球隊

2017年亞協盃外圍賽最神祕球隊
廣告

廣告

聽日2017年亞協盃外圍賽另外兩組都會有賽事進行,包括C組台灣代表大同足球隊會作客同擁有不丹好波之人Chencho Gyeltshen(辰卓堅贊)加盟助陣嘅不丹球隊FC Terton(FC德童)交手,之後大同仲會對有埃塞俄比亞國腳兼球隊射手Fikru Teferra(迪菲拿)及有多名孟加拉國腳幫拖嘅孟加拉職聯勁旅Sheikh Russel(謝赫羅素)。

雖然台灣首次派隊參賽,不過今次台灣方面好似完全唔重視呢次比賽咁,最近網上瘋狂搜查結果顯示下,就算係到比賽就踢嘅呢兩日都係完全冇任何相關消息,大同今次派乜球員去,大同有冇踢友賽準備,大同幾時飛去不丹廷布,都係冇媒體及冇網站講,就算係主講台灣足球嘅FB網頁,都只係不停宣傳月底舉行嘅台日足球友誼賽,感覺係場波唔存在世上一樣,甚至有關注台灣足球嘅台灣網友都唔知原來今次台灣有派隊參加亞協盃外圍賽。

我可以好肯定,大同足球隊係今次外圍賽九隊入面最神祕、行動最低調嘅一隊,敵軍幾乎完全無法查探大同隊軍情,甚至連台灣人自已都無法得知。不過照咁睇大同極有可能包尾,要作客應付不丹嘅高原氣候本身唔易,另外FC德童亦有借來幾位不丹國腳加強實力,至於孟聯勁旅謝赫羅素本身就係小組大熱,唔知呢隊好有神祕感嘅台灣大同足球隊可唔可以令球迷大吃一驚,定還是會繼續隱形到去分組賽結束?

廣告