印尼12月2日印尼主場對越南嘅球票定價今日公佈，會公開發售3萬張飛，組委會主席兼印尼前國腳Yeyen Tumena話唔會有贈票，因為Pakansari球場只能容納3萬人，座位有限，如果仲搞贈票，畀人屌爆屎眼都似。（尾句我新增）
有別於以往，今次球迷要上網買再去特定地點拎，好多國家現時都搞網上售票，印尼亦推行緊，對於印尼嚟講網上售票有好處，因為過往於球場公開發售好多時都引起現場混亂，甚至有球迷買唔到票向售票處放火，現時網上售票就會避免呢類事情。但係對於冇智能手機及屋企冇裝上網線嘅家庭嚟講就慘喇，唯有自己諗方法啦。
今次票價分3類，VIP定價係30萬印尼盧比，第二類定價係20萬印尼盧比，第三類定價係10萬印尼盧比。30萬印尼盧比即係港幣約170蚊，20萬印尼盧比即係港幣約114蚊，10萬印尼盧比即係港幣約57蚊，對比返當地唔係有錢嘅一般平民嚟講，絕對係重皮，而唔少貧民球迷完全買唔起，可能只可以企喺球場外望梅止渴或者搵方法衝入去/爬入去，但相信都會賣得晒，因為印尼隊有成6年冇踢過入去鈴木盃四強，就算再貴啲都會賣得晒。
唔少貧民球迷連食個KFC一般餐（約3萬印尼盧比）都食唔起，就算係最平嘅10萬印尼盧比票，對佢哋嚟講都係諗都唔使諗。